Suosittuja jakeita Raamatun kirjasta 1 SAMIELE 17

Jaa

Davhida a hlamula a ku eka Mufilista: “U tile eka mina hi banga, ni tlhari, ni ntlhuvana, kambe mina ndzi ta eka wena hi vito ra Yehovha wa mavandla, ni ra Xikwembu xa tinyimpi ta Israele leti u ti sandzeke.

Nhlengeletano hinkwayo leyi, yi ta tiva leswaku Yehovha wa ponisa, kambe ku nga ri hi banga ni matlhari; hikuva ku lwa ni ku hlula, i ka Yehovha, kutani u mi nyiketile emavokweni ya hina.”

Davhida a engeta, a ku: “Yehovha la ndzi poniseke evokweni ra nghala ni le vokweni ra bere, u ta ndzi ponisa, a ri yena, emavokweni ya Mufilista loyi.” Kutani Sawulo a ku eka Davhida: “Famba, Yehovha a a ve na wena.”

Namuntlha Yehovha u ta ku nyiketa emavokweni ya mina; ndzi ta ku tlhava, ndzi ku tsema nhloko; namuntlha ndzi ta nyika tinyanyana ta tilo ni swivandzana swa misava mitsumbu ya nyimpi ya Vafilista: misava hinkwayo yi ta tiva leswaku Xikwembu xa Israele xi kona.

Kutani Davhida a hluvula a teka nhonga ya yena evokweni, a ya exinambyaneni, a hlawula maribye ya ntlhanu layo tshwulungeka, a ma veka enkwameni wa yena wa murisi, kutani a tshinelela Mufilista a ri ni xipelupelu evokweni ra yena.

Davhida a ku eka Sawulo: “Mbilu ya munhu ni un'we yi nga tshuki yi hela hikwalaho ka yena! Nandza wa wena u ta ya lwa ni Mufilista loyi.”