Suosittuja jakeita Raamatun kirjasta Matewu 24

Jaa

Ngekwandza kwekona kuyawuphola lutsandvo kulabanyenti. Kodvwa lowo loyawubambelela kuze kube ngusekupheleni, uyawusindziswa.

LeliVangeli ngembuso liyawushunyayelwa emhlabeni wonkhe, kuze kube bufakazi etiveni tonkhe, bese-ke kuyefika kuphela.”

Niyawuva ngetimphi nangemahemuhemu etimphi; caphelani ningetfuki, ngobe loko kufanele kwenteke, kodvwa umhla wekuphela uyawube ungakefiki.

Ngobe sive siyawuvukela lesinye sive, nembuso uyawuvukela lomunye umbuso. Kuyawuba khona tindlala nekutamatama kwemhlaba tindzawo ngetindzawo. Konkhe loku kukucala kwemihelo.

Lizulu nemhlaba kuyakwendlula, kodvwa emavi ami wona angeke endlule.”

Ngobe bantfu labanyenti bayawuta ngelibito lami, befike batsi: ‘NginguKhristu!’ bedukise labanyenti.

“Lapho-ke bayawuninikela etinhlungwini, banibulale. Tonkhe tive tiyawunitondza ngenca yelibito lami. Labanyenti bayawuhlubuka, batsengisane bodvwana, batondzane. Kuyakuvela baprofethi bemanga labanyenti, bedukise bantfu labanyenti.

Jesu waphendvula watsi: “Caphelani, kutsi kubete umuntfu lonedukisako.

“Ngako-ke nani hlalani nilindzele, ngobe iNdvodzana yeMuntfu iyawufika ngesikhatsi leningakasibheki.”

Ngako-ke caphelani, ngobe anilati lilanga iNkhosi yenu leyawubuya ngalo.

“Noko kute lowatiko kutsi lelo langa nemzuzu kuyawufika nini, ngisho netingilosi ezulwini neNdvodzana ayati, lowatiko nguBabe kuphela.

Ngobe kuyawuvela bokhristumbumbulu, nebaphrofethi bemanga, bente tibonakaliso letinkhulu netimangaliso, kuze kudukiswe nalabakhetsiwe nakunekwenteka.

Njengasemalangeni aNowa kuyawuba njalo nekufika kweNdvodzana yeMuntfu. Njengemalanga labengembili kwazamcolo, bantfu babedla banatsa, labadvuna nalabasikati batsatsana, kwaze kwaba lilanga langena ngalo Nowa emkhunjini; abazange bati, kwaze kwefika zamcolo wabacedza, kuyawuba njalo nekufika kweNdvodzana yeMuntfu.