Suosittuja jakeita Raamatun kirjasta Sal 37

Jaa

Tzalj coyc 'a Jehová, ax 'oj 'a'n 'el'choc tas tzqui nib'jec.

Ca'c 'ab'enal qui b'a 'a yol sc'ab', tzca'nec 'och wal yipc qui c'ojol, sec 'oj 'och quet'ec.

Sictac tzon̈ 'ajc 'a yojltac Jehová; tzqui tan̈wniec scolwj quet'ec. Man̈ ca'c somchjoc qui nab'enec yuj eb' tzq'ue'ch yuj tas maysch'olnil tzb'o'o.

Ca'c 'och Jehová yipc qui c'ojol. Qui b'oc tas wach', toto 'ixta', 'oj qui canc cajn 'a sat lum lum tic; 'oj 'ajxocn̈ej tas tzqui c'ux 'a junc'ojlal.

A Jehová a tz'i'n b'ey eb' wach' snab'en, tz'ajx can 'och eb' yuj 'a yol jun b'e caw tojol. Wach'xam tztelw 'ejm eb', palta man̈ ye'n̈joc stelw 'ejm eb' cha, yujto a Jehová a yamjnac eb'.

'Oj ya' checljoc qui tojl b'eyb'alec yet' qui wach' nab'enalec, 'icha wal stzictznil yoc c'u 'a chimc'ual, 'ixta wal yilxi.

Cactquec can owal, tzcactnec can chichnc'ojlal. Man̈ on̈ comn owxoc, yujto a jun tzo'n̈ cha, niwn tas tzjuw 'el yu'uj.

An tic xwac' quelmal, ax ticnec 'ichm in xo, palta may 'aj xwil 'ec' sc'annc wa sb'a yunnal eb' wach' snab'en 'a stitc n̈a, yujto 'actb'il can eb' yuj Jehová.

Matz tac' scomn cot cowlec yuj eb' tzb'on maysch'olnil, matz on̈ comn chichnec yuj eb'.