Suosittuja jakeita Raamatun kirjasta Gn 39

Jaa

Palta a Jehová a 'aych yet' José, yuj cha, caw jeln x'aj 'el'chi yic 'ayc' 'a yatut spatron̈ cha.

X'ochcn José yilmalc smasnil, man̈x 'a junc tas tzna win Potifar, cojxn tas tzna'a to si'lj tas tzc'uxu. Caw wal wach' yilx 'och José, wach'n̈j 'a smasnil.

Ax win tan̈m preso cha, a win x'a'n 'och win José yilmalc eb' yit presoal, a tzalni tas tzb'o eb'.

Xya'n win yamchjoc José cha, xyaln winac to tz'och José 'a preso, 'a 'aj 'aych jun tzo'n̈ xo ewin 'a preso yuj win rey. X'ajx 'och José 'a yol sc'ab' win tan̈m preso, yic tztan̈wx win yuj si'mb'il. Palta a Jehová 'aych yet' José, xch'ox schamc'ojlal 'a 'a, yuj cha, caw wach' x'el'ch 'a sat win tan̈m preso cha.

'Ixta x'aj yec' tiempo, ax x'aji xya'n 'och 'ix yistzil win Potifar snab'en 'a win José cha, xyaln 'ix 'a win 'ixtic: —Comnoc tzyal a c'ojl tzach way wet'oc, xchi 'ix. Palta ma'ix yal sc'ojl José, yuj cha, 'ix yaln 'ixtic: —Ma'ay, ojc ach tic to in ya'cn 'och win echmil yilmalc smasnil tas 'ay 'a tic; yujto an 'ayn can yuj win 'a tic, yuj cha, may tas tzna yuj tas 'ay 'a 'a. A smasnil tas 'ay 'a yol te n̈a tic, 'aych 'a yol in c'ab', an tztac' wa'n mandar; cojn 'ayach, matz tac' wa'n 'och in c'ab', yujto yistzil ach win in patron̈. ¿Tom 'oj stac' in b'on junc tas maysch'olnil, yujto tz'och pax in mul 'a sat Dios? xchi José.

'Ay jun c'u, x'och José 'a yol n̈a yic tzb'on smunljel, may junc xo comn 'anma 'aych 'a yol n̈a cha, cojn 'ix 'aych ta'. Yuj cha, x'och yamnjoc 'ix 'a spichl winac, xyaln 'ix 'ixtic: —Wayn̈ wet'oc, xchi 'ix. A yic xyab'n win jun cha, sto'n 'el sb'a win 'a yol sc'ab' 'ix, carela x'at winac, ax spichl winac, xcancn 'a yol sc'ab' 'ix.