Suosittuja jakeita Raamatun kirjasta Gn 25

Jaa

'Ix ta'w 'ixtc 'a 'ix: Chab' chon̈b'al 'aych yin̈tl 'a yol a c'ojol. A chab' chon̈b'al cha, 'oj 'och eb' 'ajc'ojlal 'a jun jun. Jun caw 'ay yip 'a yib'n̈ junx cha. A win b'ab'el 'oj can win 'a yaln̈ schecnb'il win tza'n 'unin, xchi Dios.

Yuj cha, xyaln win Esaú 'ixtc 'a win Jacob: —Tzin tew 'ayach, 'ac' in c'ux jac a tan chac yilx cha, caw tzin cham yuj wejel, xchi winac. (Yuj cha, Edom x'ajx can sb'ic winac.)

A 'ix Rebeca cha, may yune 'ix, ax Isaac xleslwi 'a Jehová yic tzya'n Dios yunnal eb'. Ata xyab' Jehová slesal, yuj cha, scuchn chan̈ 'ix Rebeca chi yune b'i'an.

Yuj cha, xyaln Esaú 'ixtic: —'Ilto, wan in cham yuj wejel, yilx jun in macl yic b'ab'l 'unnab'ilal cha ¿tas wal 'oj 'och wu'uj? xchi winac. 'Ix yaln pax Jacob: 'Ac' a ti 'ayn 'a yic jun rato tic, xchi Jacob cha. —Inye, xchi Esaú, 'ix ya'n sti yic tzch'oxn 'eli to tzta'wj can smacl yic sb'ab'l 'unnab'ilal 'a Jacob cha.

Tza'n sjapx jun yu'tac cha, t'un̈n 'och 'a yich sq'uenl yoc Esaú, xya'n eb' sb'ic Jacob. 60 ab'il sq'uinl win Isaac yic x'alj eb' yune 'ix Rebeca cha.

Caw wal 'ay schamc'ojlal Isaac 'a win Esaú cha, yujto caw tznib'j win Isaac tzchi no c'ultcal noc' tzjaw yuj winac. Ax pax 'ix Rebeca cha, caw wal tzalj 'ix yet' win Jacob.