Suosittuja jakeita Raamatun kirjasta Ex 15

Jaa

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

A jun b'it tic a 'a Jehová tzcalec, yujto a qui Colmalec yaji, 'a 'aych quipoc. 'Ijx cab' chan̈ sb'i qui Diosalec, alx cab' wach' paxti 'a 'a, atn sDiosal eb' qui mam quichmec.

Mamin Jehová, may junc xo dios tztac' slajb'tzan sb'a et'oc, may junc xo mach caw wach' 'icha ach tic, may junc xo mach tztac' sch'oxn milagro 'icha tas satjub'tac tza b'o'o.

Yuj a niwn chamc'ojlal, tzon̈ e'n b'ey an̈ a chon̈b' on̈ tic, on̈ a coln 'elt yet' a poder, yic tzon̈ e'n 'at 'a lum lum to sic'b'il 'el o'oj yic tzach 'aj cajn ta'.

'Ix jaw eb' 'a lum lum 'aj 'ay cob' a a', palta ma'ix stac' yu'n eb', yujto caw wal c'a a'; yuj cha, Mara 'ix ya'cn eb' scuch jun lugar cha. 'Ix syamn 'och eb' 'anma chi yaln tu paxti 'a Moisés, 'ix laj sc'anb'lan eb' 'ixtc 'a 'a: ¿Tas 'oj cu'c ticnec? xchi eb'. Xlajw cha, 'ix sc'ann Moisés scolwal Jehová; 'ix sch'oxn Dios jun te te', xya'n 'ejm Moisés chi te 'a yojl a a cha, 'ix b'o a yuj te'. Ata 'ix yac' Jehová jun schecnb'il 'a eb', yic tzya'lni prowal eb' toto tzyiclj eb' schecnb'il.