Suosittuja jakeita Raamatun kirjasta Ex 11

Jaa

Yaljnacx can pax Jehová 'ixtc 'a Moisés: —Tot 'oj wac' junc xo yailal 'a yib'n̈ win rey yet' 'a yib'n̈ smasnil eb' 'anma 'a Egipto tic. 'Oj lajwc xoj cha, man̈ ton̈joc 'oj ex yac' 'elt winac, palta to caw wal 'oj e pechx 'elt yuj win 'a jun 'ejmn̈ej.

'Oj 'ec' in mil cham eb' b'ab'l winc 'unn 'a junjn n̈al eb' et chon̈ab', yet' win a b'ab'l 'unnal to jab'xoj yochx can a jelc 'a a despacho. 'Oj cham pax eb' sb'ab'l 'une eb' 'ix a'mal servil tzmunlj 'a q'uen cha'. 'Oj cham pax smasnil sb'ab'l 'une no 'e cajb'en noc'. Man̈x yalnb'ilc 'o'l 'oj 'och 'a smasnil yol yic Egipto tic. May xon 'aj 'ix uj jun tic jun 'ejmoc 'a yaln̈taxi, man̈x pax b'a'n̈ 'oj ujc jun 'ejmoc xo.

Atn jun tzo'n̈ tic 'ix yal Jehová 'a Moisés yic yaln 'ixtic: —Ma'oj scha win rey yab' tas 'oj eyala', yuj cha, til wal tas satjub'tac yilx 'oj in ch'ox 'a Egipto tic, xchi.