Suosittuja jakeita Raamatun kirjasta Dt 11

Jaa

'A'c scuy eb' eyunnal jun tzo'n̈ paxti tic 'a yol eyatut, yic tzex b'ey yet' eb', yic tzex waycn 'ejmi yet' 'a yic tzex q'uexwa'an.

Yuj cha, molc can jun tzo'n̈ paxti tic 'a e nab'en yet' 'a e pixan, tzeya'ch 'a e c'ab' yet' 'a snan̈l e sat.

Toto 'oj eyiclc smasnil jun tzo'n̈ checnb'il wan waln can 'ayx 'a jun c'u tic, tze chamc'ojlan Jehová qui Diosalec 'a smasnil e c'ojol, yet' smasnil e nab'en tzeya'n servil, toto 'ixta', 'oj ya' cot b'ab'l n̈ab', ax ya'n cot pax schab'l n̈ab' 'a 'icha xon stiempoal, sec wach' tz'aj e trigo, eyal uva yet' eyaceite.

Xyaln pax Moisés 'ixtic: Chamc'ojlejec Jehová qui Diosalec, yicljec smasnil tas tzyac' qui b'o'ec, atn sley, scuynb'il yet' schecnb'il 'a smasnil tiempo.

A 'a jun c'u tic, tzwa'cn e si'loc, 'aj 'ay tas tze nib'ej, tom a yaxilal, mto a catab'. 'Oj e cha yaxilal, toto 'oj eyiclc jun tzo'n̈ schecnb'il Jehová qui Diosalec cha, atn jun tzo'n̈ wan waln can 'ayx tic. 'Oj e cha catab', toto tenmtac tzeyutj e b'a 'a schecnb'il Jehová qui Diosalec, matz eyiclej, ax 'a jun tzo'n̈ comn dios man̈ 'ojcab'iloc ata tzex 'och tzac'an.

Tz'ib'jec 'och jun tzo'n̈ paxti tic 'a spiralil eyatut yet' 'a spuertail e chon̈ab' yic wach' 'oj najtxb'oc e q'uinl yet' eb' eyunnal 'a sat lum lum 'aj ya'jnac Jehová sti ya'n 'a eb' qui mam quichmec, 'oj e cajn̈j lu'um, ya' sb'a 'ayt 'ec' yolyib'n̈q'uinl tic.

Palta tzeyil wal e b'a, man̈ e cha 'ixtxoc paxti e b'a. Man̈ eyactc can Jehová. Toto a 'a jun tzo'n̈ comn dios 'aj tzex 'och tzac'an, tzeya'n 'ejm e b'a 'a eb'