Suosittuja jakeita Raamatun kirjasta Dt 10

Jaa

Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec, tzqui yiclniec smasnil schecnb'il yet' sley, sec wach' 'oj quel'chec.

yujto a Jehová qui Diosalec, 'ec'b'al 'a yib'n̈ jun tzo'n̈ xo tzalx 'och diosal. A yajl yaj 'a yib'n̈ eb' yajal. Cojxn tztac' yalni, caw 'ay spoder, 'ay pax smay, may 'aj tzjel snab'en 'a yib'n̈ junc tas, may 'aj tzchon̈ sb'a yuj tas tzsiyx 'a 'a.

'A'c 'och yechl jun trato tic 'a e nab'en, man̈ eyac' pitl e b'a 'a 'a

Tz'o'ch sc'ojl 'a eb' meb'a 'unn chamnc smam, yet' 'a eb' 'ix 'ix chamnc yichmil. 'Ay schamc'ojlal 'a eb' chuc chon̈b'al cajn 'a qui calec, tzyac' tas tzc'ux eb', tzya'n pax spichl eb'.

Yujto cojn 'a sb'i 'aj wach' calnec qui wach' paxti', qui Diosalec wal yaji. Cujec til wal tas satjub'tac 'ix sch'ox 'ilxoc.

'Ay cab' yel'ch Jehová 'a qui sat, cojn ton 'aj smoj caln qui b'a. Yiclum tzcutjec qui b'a 'a 'a. A yic 'ay junc tas 'aj tzcac' qui ti', cojn 'a sb'i Jehová tzcala'.

Tzcham wal e nani, chajtlto a Jehová a 'ay yic satcha'an̈ yet' pax jun tzo'n̈ xo tas 'ay 'a 'a, a pax 'ay yic lum lum tic, yet' pax tas 'ay 'a sat lu'um.

Yuj cha, yowlal tzqui chamc'ojlej eb' chuc chon̈b'al cajn 'a qui cal, yujto chuc chon̈b'al 'ajnc que'c 'a scal eb' 'aj Egipto.