Suosittuja jakeita Raamatun kirjasta 2 S 18

Jaa

Yuj cha, caw x'och pitz'njoc cusc'ojlal 'a rey David. 'Ix q'ue 'a yojl jun cuarto 'a cha'an̈, jun 'ay 'a yib'n̈ q'ue spuertail chon̈b' cha, syamn 'och yoc' ta'. Ya' sb'a yic wan sb'ey q'ue cha, xyaln 'ixtic: ¡'Ay... ach wunnal Absalón! ¡'Ay... ach wunnal Absalón! ¡Comnoc wal an in cham a jeloc! ¡'Ay... ach wunnal Absalón! xchi rey David.

Ax win Absalón cha, 'ix schaj sb'a win yet' eb' soldado yic David, 'ay q'ue win 'a yib'n̈ schej. Ax x'aji, 'ix yecn 'ec' sb'a no chej chi 'a yaln̈ sc'ab' jun te ma'ach'. Ax 'a scal sc'ab' te chi 'ix can locn sjolm win Absalón cha. 'Ix 'emt can t'un̈n winac, ax no chej cha, 'ix 'atcn no'. Ax x'aji, 'ay jun win soldado chi xyil sb'a 'a win Absalón cha, 'ix 'at yalnc 'a Joab 'ixtic: —'Ix 'ilchj win Absalón wu'uj, t'un̈n can sjolm win 'a sc'ab' jun te ma'ach', xchi.