Suosittuja jakeita Raamatun kirjasta 2 Cr 20

Jaa

'Ix yaln Jahaziel chi 'ixtic: Sictac tzex 'aj eyab'n e masnil ex 'aj Judá, yet' e masnil ex cajn 'a Jerusalén, yet' ach rey Josafat. 'Ixtc 'ix yutj Jehová yalni: Man̈ ex xiwoc, man̈ eyec xiw e b'a 'a yojltac jun tzo'n̈ soldado caw niwn sb'isl cha, yujto a jun owl cha, man̈ eyico'oc, wic an Dios in tic.

Man̈oc ex 'oj eyac' owal. Ton̈j 'oj eyaj ta', may tas 'oj e b'o', ax eyilni tas 'oj wutc ex in coln 'el an Jehová in, xchi. Ex 'aj Jerusalén yet' ex 'aj Judá, man̈ ex xiwoc, man̈ eyac' chab'c'ojlal. Q'ui'nto tz'ex 'at eyac' owl yet' eb', yujto a Jehová 'aych quet'ec, xchi Jahaziel.

Ach qui Diosal on̈, 'el cab' 'a a c'ojl a'n 'och yailal 'a yib'n̈ eb'. Yujto an̈ tic on̈, may wal quip yic tzqui te'wtzan qui b'a 'a sat eb' soldado caw niwn sb'isl cha, atn eb' tznib'j tzyac' owl quet' on̈. Man̈ cojcoc tas 'oj cutc qui b'a on̈, yuj cha, a wal 'aych tzca'ch qui nab'en, xchi win rey 'a Dios.

A yic 'ix lajw spaxtin yet' eb' chon̈b' cha, 'ix si'n 'el jun tzo'n̈ eb' to tzb'itni. 'Ix ya'n 'och eb' spichl yic yopiso cha, 'ix b'ab'lj eb' yuj eb' soldado cha. Tzyaln eb' wach' paxti yet' sb'it 'ixtic: Ca'c yuj diosal 'a Jehová, yujto a schamc'ojlal, 'ayc' 'a jun 'ejmn̈ej, xchi eb'.

Ax yic schan 'el eb' yich sb'itnan b'it, yic alj wach' paxti', 'ix ya'n 'elt Jehová jun tzo'n̈ winc 'a sat eb' amonita, eb' moabita yet' eb' xcot 'a lum jolm witz 'a Seir, eb' to tzcob' yac' owl yet' Judá yalni. 'Ix syamn 'och eb' smiln cham sb'a.

Xlajw cha, 'ix yecn xiw sb'a Josafat, caw 'emmquil 'ix yutj yaln sb'a 'a Jehová. 'Ix ya'n alxc 'a smasnil eb' 'anma 'a yol yic Judá to tz'och eb' 'a c'ajb'c'ojlal.

Toto 'oj jawc junc yailal 'a quib'n̈ yuj qui maysch'olnilal on̈: atn owal, yab'il, mto wejel, toto 'oj qui jaw 'a ojltac 'a jun atut tic on̈, yujto 'aych 'ec' 'a 'a, toto 'a scal qui yailal, tzqui c'ann a colwal, toto 'ixta', 'oj 'ab' qui lesal, ax on̈ a colni, xchi eb'.

Q'ui'nto tzex 'e'mch eyac' owl yet' eb'. Ax eb' 'oj q'uelc 'a sjolm lum witz yic Sis, ax xo tic, 'oj e cha e b'a yet' eb' 'a sch'olnil sti a a tzcot 'a stitc lum cusltac lum yic Jeruel.

Yuj cha, a smasnil eb' 'anma 'ay 'a smasnil chon̈b' 'a yol yic Judá, 'ix syam sb'a eb' 'a Jerusalén yic tzc'ann eb' scolwal Jehová yet'oc.