Suosittuja jakeita Raamatun kirjasta Roméne 12

Jaa

Vinó ka byɔɔnɔ ntumu íjí na cí ra ndono ejé, vedá micáno Irɔŋgɔ a enda na wusó na o nó céndyé na mkpámáká ra peyɔ éjé a né nó hwámó. Ɔ́wɔ́ no né hítyámó ojembe até éyé a vaŋgámó: Até éyé é nyémámó, éyé é me wɔ́tɔ́mó, até éyé é ámó ka na cɔ́cɔ́.

Va mbísó, Irɔŋgɔ a ámó táásé na usi wa otémá na visó. Kó ŋgo nó súsámó anáá: No vá neéna vinó maté na esɔ́tɔ́ yá vinó ámó etáŋgó, é wúnde orií mwáŋ mwáŋ kó honó é wɔ́tɔ́ Irɔŋgɔ. Tɔ́ɔ́tɔ́ wa mísɔnɔ ójó no geremenámó o me eŋgena kóomójo.

Ríyáno naáté yá vitaka na wusó wá ipitírá vinó, timbáno imeneve naáté yá etɔɔ, no byɔɔnɔ mbásóóríyé kírítítí.

Mámó ka vámíce anáá wobé ówó moto a mó wo eŋga wó wo púsyé anáá mámó honó weŋga wobé, vedá mándééná wobé na wusi ówó wo eŋgámó.

Diŋgáánáno na otémá rá vinó uŋgímé ámó va navéne ává na ŋgɔ́tééná, ríyáno vato vá makésyé ává vá vámítyáanámó vámwané na vámwané.

Ŋga andiŋgé ra vinó a rií tɔ́ɔ́tɔ́. Benáno wobé, no váwótéena na wusi.

Wó a ríi wó ámó weŋgavená, na oténé ójó wó nó néménámó, sɔ́tɔ́no na dɔ́ŋgɔrɔ́ɔ́ŋ na vato bimé.

Vinó ává va mbérá vamé, vinó ka vásúŋge vinó maté, vedá micáno mbésé ra Irɔŋgɔ yo eŋga, esene éyé Irɔŋgɔ a járámó na aŋgóŋgí ájá mwáŋ mwáŋ anáá: «Noó kójo cuŋgámó, noó kójo ŋgo mó yáákanámó ámó moto até éyé a geremenamó neyé!»

Nɔnéénáno Okí ka na wondɔ́mbé kó na otémá rá vinó uŋgímé.

Irɔŋgɔ a ma pwá mesi máa na sásáá. Ɔ́wɔ́ kówo njárámó na vinó bimé anáá: Vinó ka vábúŋgana na mpí mbunu otómbá até éyé no ámó, vedá ámó moto a geremenamó ovájósyé ámó a ámó na oténé rá ŋgɔ́tééná ójó Irɔŋgɔ a ma me hwá.

Vino ka wundiye moto wobé esene éyé a mó nó eŋgá wobé, vedá sɔsɔ́no anáá no eŋga wusi na aŋgísó moto uŋgimé.

Sɔ́tɔ́no no rií mií vinó na vinó. Vinó ka sɔsɔ vikáné vyá nkóŋó, vedá atɔ́wɔ́no vaná vá manɔnɔwɔ ámá geré géré. Vinó ka váwɔ́rɔ́ ámó vato vá peyɔ.

Aye hée anáá: «Ŋgé ombeembéná wɔɔ a ovámó njeŋge, o me hwámó manyá, ŋgé a ovámó nití, o me hwámó até éyé a ámó ovényú, esene éyé táma éjé wo eŋgámó naná, wó ámó mámó weŋga anáá viyáná vyá ijiye kíví o káte wónjá na ucé ráa.»

Súsáno nosanjá ná Irɔŋgɔ na wusó wá ava vá nó tuúriyámó, súsáno anáá a wó hwá nosanjá até anáá a wó yɔ́ɔ. Takáno na ava vá ámó na vitaká, no vaŋga na ava vá ámó na mbií.

Akáno va atɔ́wɔ ává na mayátá, no wɔ́rɔ́ wusi biní iví ví uránámó na byanje vyá vinó.

Esené na nótó ra visó, vikava ví ámó mbunu, kó ví ta eŋgá kána ra manɔnɔwɔ mámwéesií. Séem mwané kójó visó honó to ámó mbunu, kó tó ámó nótó emwesií na Kirítu. Kó to ámó retyérí visó na visó, ámó moto na pandó raá sɛ́ɛm ámó vikava vyá notó emwesií.