Suosittuja jakeita Raamatun kirjasta Roméne 1

Jaa

Ŋgo ojámó Usi wa Cómó ka na wuswéní: Usi wa Cómó a ámó ŋguru éjé Irɔŋgɔ a timbaanámó na ejé ukú ójó anáá a sótyé ava vá atɔ́wɔmó, va Yúdene na makésyé, tii waá ava vá ta ámó va Yúdene.

Na vatɔ́ɔ́tɔ́ Usi wa cómó kójo a tíhíyámó twiiŋí kówo Irɔŋgɔ a eŋgámó anáá vato vá rií ndíŋgirííŋ na aŋgísó ráa, wó ámó bɛ́ŋ na ŋgɔ́tééná moká, esene éyé aŋgóŋgí ájá Mwáŋ mwáŋ á járámó anáá: «Ojo a atɔ́wɔmó Irɔŋgɔ a ámó ndíŋgirííŋ kó a mó sɔ́tɔ́mó.»

Esené nará Irɔŋgɔ a ma héndéná cí ra ndono, vesi vá ŋcaŋa váa ává nisó nó ta ámó wená naná wó ámó anáá ekáné yá ŋguru raá éjé kɔ́rɔ́tɔ́tɔ́ na até éyé a ámó ómwané maté, peyɔ ra vato yo enámó mamba mwané na até yimé éyé a ma héndá. Vato vá ta geréméná sɔ́ na vijukáná.

Esené vá ma jembé Irɔŋgɔ kó vá ta ma me hwá niimí ka me téŋgyé honó ámó wó géremenámó anáá wó eŋgávena na wusó wáa, océ ójó anáá vá eŋgá naná, vá ma késyé otimbe vambé vá mbuŋgáná kó otémá ráwó ka na peyɔ ó ma dáŋgá naáté yá mbinó.

Vá ma céŋgítyé vatɔ́ɔ́tɔ́ ává vá néménámó Irɔŋgɔ vá té atɔ́wɔ́ viváná, vá gúmíyé vá wúnde onɔneena até éyé Irɔŋgɔ a ma héndá océ ójó anáá vá gúmíye vá wúnde onɔneená Ahéndá maté ójó a geremenamó na esawo na kɔ́rɔ́tɔ́tɔ́. Wó rií naná.

Irɔŋgɔ na máná ɔkɔ́, a tíhíyámó mbésé raá na wusó wá nyéŋgé iŋgimé na wobé wimé ówó vato vá eŋgámó, esene éyé ŋgeŋgéná mwané í mándyáanámó vatɔ́ɔ́tɔ́ anáá vá mwané ka eŋgá manɔnɔwɔ máa.

Wandá mwané kówo Irɔŋgɔ a ma wó céŋgítyé anáá vá díŋge mamba má wuswéní. Vakótó váwó vá ta ne vétéma na vanómótó, vá etá ovétémá na vasɔ́ɔ́ vakótó, wó je rií anáá até naná kówo Irɔŋgɔ a ma téká mamba. Vanomótó honó vá mícámó ovétéma ówó na vakótó, kó vá dúutanámó na vitámáká vámwané na vámwané, vá vétéma na vasɔ́ɔ́ vanómótó kó vá tímbaanámó na mayáákana ámá vambé vá ŋgeŋgéná váwó vá túrámó. Kaá ámó vá ta ma diŋge anáá vá ne jembe Irɔŋgɔ, Irɔŋgɔ a ma wó céŋgítyé na péyɔ rawó éjé téŋgéŋgé, kó vá eŋgámó até éyé vá ta geréméná weŋga.

Vá ojámó anáá vá ámó na peyɔ ndeke vá ámó byejá, océ ójó anáá vá gúmíye Irɔŋgɔ wa niimí ójó a ta gwé, vá ma késyé gúmíyé motéé mwá sásáá. Motéé mwané mó púranámó na moto ójó a gwámó, umumú mó púrana na monóoní, umumú mó púrana na nama rá eŋgoró ene, umumú mó púrana na nama íjí í rambámó.