Suosittuja jakeita Raamatun kirjasta Roma 8

Jaa

Tukoy tam atu atanan a bagay, ay magahikad u Diyos para tu kapiyyaan nu atanan a mangmahal nikuna. Iye u gággimitán nu Diyos tu atanan a mangyare tu tolay hide a pinili na a makaguman tu plano na.

Awanák magduwwa-duwwa a awan ti makapánghiwalay nikitam tu págmahal nu Diyos. Maski dumemát u kamatayan tam, oni biyag kitam palla, maski u anghel hide, u puno hide u bagay hide nadid a kasalukuyan, u bagay hide a pademát, u tehhod hide a kapangyariyan, u kalangkawan, u kadisaladen, oni ányaman a linalang ay awan makapánghiwalay nikitam tu págmahal nu Diyos, u págmahal a impabate na nikitam tu pamamagitan ni Cristo Jesus a Panginoon tam.

Sakay tulungan kitam nu Banal a Ispirito tu kahinaan tam. Awan tam tukoy ni kodya kitam a magdasal, kanya u Ispirito u mamagitan nikitam tu Diyos tu paraan a awan tam kaya a ikagi.

Nadid, ni isipán tam u atanan a mágkaganda a bagay a ginimet nu Diyos para nikitam dapat konna he u makagi tam: Ni u Diyos ay kakampe tam tideya u magtagumpay kontara nikitam?

Kanya nadid, ay awan dán mahatulan ti kaparusaan u katoy ni Cristo Jesus.

U sapitán nu kássunud tu makasalanan a pagkatolay ay kamatayan, pero u sapitán nu kássunud tu kagustuwan hide nu Banal a Ispirito ay kapayapaan sakay biyag a awan ti kahád.

Pero maski konna he u pághirap tam nadid, mapagtagumpayan tam pade i atananan iye, dipo ni Cristo a nangmahal nikitam.

Para nikán, u paghihirap tam nadid hide ay awan mekompara tu maganda a kalagayan a makao tam káddemát nu aldew.

Awan ti makapánghiwalay nikitam tu págmahal ni Cristo. Maski magdanas kitam pa ti pághirap, saket, seste, aláp, awan ti mesulot, panganib, oni maski u kamatayan, dakál pade u págmahal ni Cristo nikitam.

Sakay maintendiyan nu Diyos a makatukoy tu lasán nu puso nu tolay u ánya man a kagiyán nu Banal a Ispirito. Dipo u Banal a Ispirito u mamagitan para nikitam a anak nu Diyos, sakay iye ay palagi a ayun tu kaluuben nu Diyos.

U atanan a igiya nu Ispirito nu Diyos ay anak hide nu Diyos.

Dipo u mabiyag hide ayun tu hilig nu pilas ay gugusto de u bagay hide a ayun tu pilas, pero u mabiyag ayun tu pággiya nu Ispirito ay magsumikap a maggimet tu bagay hide a ayun tu kagustuwan nu Banal a Ispirito.

Ni u sadile na a Anak ay awan na inkemot ni awan inyatád na nikitam, siguradu a iyatád nabe nikitam u atanan a bagay.

U Banal a Ispirito sakay u ispirito tam ay pareho a mangpatunay a anak kitam nu Diyos. Sakay bilang anak hide nu Diyos, hikitam ay tagapagmana nu Diyos sakay kaguman ni Cristo a magmana tu págpapala hide a inhanda na. Dipo ni magtiis kitam a konna ni Cristo tu itod ay dumemát u aldew a parangalan na kitam a kaguman na.

Dipo kalaban nu Diyos u deyaman a sumunud tu gusto nu makasalanan a pagkatolay, dipo umád na a sumunud tu Kautusan nu Diyos sakay talaga a awan na magimet a sumunud.

Maski ni u buo a linalang hide nu Diyos ay gusto di dán a ipahayag nu Diyos u anak na hide.

Tukoy tam a hanggan nadid, u buo a linalang ay maghirap sakay mágdadaingán a konna tu essa a bábbey a magenak dán.