Suosittuja jakeita Raamatun kirjasta Roma 5

Jaa

Pero impeta nikitam nu Diyos u págmahal na ti konna he a paraan: Maske tu itod nikuna a makasalanan kitam palla, natay ti Cristo para nikitam.

Sakay awan kitam mabigu-bigu tu pag-asa tam dipo impabate na nikitam u págmahal na tu pamamag-itan nu Ispirito Santo a inyatád nikitam nu Diyos.

Sakay masaya kitam maske ni maranasan tam u hirap hide, dipo matuto kitam a magtiis. Dipo u resulta nu págtiis ay maganda a ugale sakay u risulta nu maganda a ugale ay pag-asa a makahate kitam tu kadakilaan nu Diyos.

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos. Tu pamamag-itan ni Jesus sakay dipo tu pánnampalataya tam ay mabati tamon u habag na sakay masaya kitamon dipo tu pag-asa tam a makahate kitam tu kadakilaan nu Diyos.

Nikuna awan kitam ti magimet para makaligtas tu parusa, natay ti Cristo para tu kasalanan tam hide tu panahun a intakda nu Diyos.

Sakay nadid ay nebilang kitamon a awan ti kasalanan tu pamamag-itan nu dige ni Cristo, kanya siguradu dán u kaligtasan tam tu parusa nu Diyos dipo ni Cristo.

Dipo tu kássuway nu essa a tolay makpal a nagin makasalanan. Konna man hod, dipo tu kássunud nu essa a tolay ay makpal a imbilang u Diyos a matuwid.

Sakay bakán la sa ina, masaya kitam tu rilasyon tam tu Diyos, dipo tu ginimet nu Panginoon tam a ti Jesu-Cristo. Dipo nikuna ay tinanggap kitam nu Diyos a kaibigan na.