Suosittuja jakeita Raamatun kirjasta Roma 14

Jaa

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito. U magserbi ni Cristo tu konna he a paraan ay makasaya tu Diyos sakay igalang siya nu kapareho na.

Ni hikitam ay mabiyag ay mabiyag kitam para tu Panginoon, sakay ni matay kitam, matay kitam para tu Panginoon. Kanya mabiyag kitam man oni matay ay he kitam tu Panginoon.

Kanya pilitán tam a gimitán a palagi u bagay hide a makapangatád ti kapayapaan sakay makapángpatibay tu balang essa.

Kanya dyan kitamon humatul tu balang essa. Ni awan iwasan tam a maggimet ti ányaman a bagay a magin dahilan nu págkakasala nu kapatkákka tam.

Dipo nesulat a, “Hikán u Diyos a biyag magpakahanggan, sakay iye u kagiyán ko: U atanan ay lumuhud tu atubang ko, sakay u atanan a tolay ay magpure nikán.” Kanya atanan tam ay managut tu Diyos tu atanan a ginimet tam.

Nadid, tanggapán moy u kapatkákka moy a mahina ti pánnampalataya sakay dyan kam mákpagtalo tu pánniwala na hide.

Ti deya ka a manghatul tu utusan nu iba? U amo na la u makapanghatul nikuna ni tama u gággimitán na oni awan. Sakay magimet na u tama, dipo u Panginoon u mangtulung nikuna.