Suosittuja jakeita Raamatun kirjasta Румазухъе кагъат 8

Jaa

Жив вокьулел ва, жиндир амруялда рекъон, хъулухъ гьабизе ахӀарал гӀадамазе Аллагьас сундулъго лъикӀлъи гьабулеблъи лъала нилъеда.

Дида ракӀчӀун лъала я гӀумруялда, я хвалида, я малаикзабазда, я шайтӀабазда, я гьаб заманаялъул къуваталда, я бачӀунеб заманаялъул къуваталда, я цогидаб къуваталда, я тӀасияб дуниялалъул къуваталда, я гъоркьияб дуниялалъул къуваталда, бижанщиналъул сунданиги, лъиданиги тӀезабизе кӀоларо нилъеде бугеб Аллагьасул рокьи – нилъер ТӀадегӀанав МасихӀ ГӀисадалъун гьес нилъее загьирлъизабураб рокьи.

ЗагӀипал ва щиб гьарилебали лъаларел нилъее квер бакъула Аллагьасул РухӀалъ. Амма жибго гьеб РухӀалъгицин угьдилаго гьарула нилъее хӀажатабщинаб, рагӀабаздалъун загьир гьабизе бажарулареб каламги гьабун.

Гьанже гьелда тӀаде щиб жубалеб? Аллагь нилъехъан ватани, нилъеда дандечӀарав щивха?

ГӀиса МасихӀиде цолъаразе тамихӀ гьечӀо гьанже.

Мунагьав чиясул гӀакълуялъ гьев хвалде вачуна, амма РухӀалъул кверщаликь бугеб гӀакълуялъ инсан абадияб гӀумруялде ва сах-саламалъиялде вачуна.

Сундасаго нилъ тӀубанго бергьуна, нилъ рокьулев нилъее хӀалае вугелъул.

Дида ракӀалде ккола, гьанже нилъее бугеб гӀазаб-гӀакъуба данде кквезегицин бегьиларин нилъелъ загьирлъизе бугеб къудраталда.

Нилъеде МасихӀил бугеб рокьи тӀезабизе сунда кӀвелеб? Балагьалдайищ? ГӀазабалдайищ? ГӀадамаздасан бачӀунеб къварилъиялдайищ? Ракъиялдайищ? ГӀицӀлъиялдайищ? ХӀинкъи букӀиналдайищ? Хвалчадайищ?..

Аллагьасда лъала нилъер рекӀелъ щиб бугебали, лъала Аллагьасул РухӀалъ кинал пикраби нилъер рекӀелъ рижизарун ругелали. Аллагьас малъун гьеб РухӀалъ, Аллагьасул халкъалъул рахъалъ Аллагьасде гьари-дугӀа гьабулеб буго.

Аллагьасул РухӀалъ тӀоритӀулел ругел гӀадамал Аллагьасул лъимал ккола.

Жидерго мунагьаб напсалъе бокьухъе хьвадулел гӀадамазул гӀакълу мутӀигӀлъула гьезул напсалъе бокьулеб жоялъе. Амма Аллагьасул РухӀалъ малъухъе хьвадулезул гӀакълу мутӀигӀлъула РухӀалъе бокьулеб жоялъе.

Щивниги гьечӀо! Аллагь жиндирго Васасдагицин барахщинчӀо, нилъее гӀоло хвезе витӀана гьев. Гьединаб сайигъат гьабурав Аллагьас хутӀарабщинаб кьеларищ нилъее?

Гьеб РухӀалъ, нилъерго рухӀазгун цадахъ, нугӀлъи гьабула нилъ Аллагьасул лъимал рукӀиналъе. Нилъ лъимал кколел ругони, ирсилаллъунги ккола. МасихӀидаго цадахъ нилъги рукӀуна ирсилаллъун. Гьес хӀехьараб гӀазаб-гӀакъубаялъул бутӀа щвани, гьесул кӀодолъиялъул бутӀаги щвела нилъее.

Мунагьаб гӀакълу Аллагьасда дандечӀола. Гьеб Аллагьасул къануналъе мутӀигӀлъуларо, мутӀигӀлъизеги кӀоларо гьелда.

Кинабго бижанщинаб гӀащикъго балагьун чӀун буго жиндир лъимал щалали Аллагьас кидадай загьир гьабилаян.

Гьеб бижанщинаб гьанжелъагӀангицин, лъимаде хӀара чӀварай чӀужугӀадан гӀадин, угьдилеб бугеблъи лъала нилъеда.