Suosittuja jakeita Raamatun kirjasta Марк 14

Jaa

Гьес абулеб букӀана: – Абба! Я дир Эмен! Мун сундуего хӀалкӀолев вугелъул, гьеб хвалил лълъар гьекъезабуге дида. Амма дие бокьухъе гуреб, дуего бокьухъе букӀине биччанте!

Воре, нуж рорчӀуда чӀа! Гьари-дугӀаялде русса, нужго къосинарунгутӀизе. Инсанасул рухӀ – лебалаб, черх – загӀипаб.

ХӀакълъун абулеб буго дица нужеда: тӀолабго дуниялалда Рохалил хабар лъазабунщинаб бакӀалда бицен букӀине буго гьай гӀаданги ва гьалъ дие гьабураб лъикӀлъиги ракӀалде щвезабун.

ГӀисаца гьезда абуна: – Хвалил гӀазаб буго дир рекӀее. Нуж гьанир рукӀа! РорчӀуда чӀа!

Гьедин кваналел рукӀаго, ГӀисаца, цо чедги кодобе босун, тӀаде дугӀаги гьабун, бек-бекун гьезухъе кьуна: – Босе, кванай. Гьаб буго дир черх!

Цинги, чогърол цӀураб щурунги кодобе босун, Аллагьасе реццги гьабун, гьезухъе кьуна ГӀисаца. Кинацаго иргадал гьекъана гьеб щурумалъуса. Гьес абуна: – Гьаб буго гӀемерав чиясе гӀоло тӀолеб дир би – ЦӀияб КъотӀи щулалъиялъе тӀолеб би.

ГӀисаца гьезда абула: – ЯхӀ рехизе буго нужеца кинацаго, ТӀехьалда хъван бугелъул: «Дица вехь чӀвала, гӀиги рахъ-рахъалде тӀурун ина».

Гьа, рахъа! Доле хиянатчи тӀаде щолев вугин!

ГӀисаца гьесда абула: – ХӀакълъун абулеб буго дица дуда: гьанже радакье хӀелеко кӀицӀул гӀегӀедилалде лъабцӀулго инкар гьабизе буго дуца дидаса.