Suosittuja jakeita Raamatun kirjasta Коринфиязухъе кӀиабилеб кагъат 1

Jaa

Нилъер ТӀадегӀанав ГӀиса МасихӀил Эмен – Аллагьасе рецц! Гьев нилъеда кидаго гурхӀула, гьес нилъер ракӀбатизабула! Кинаб къварилъи нилъеде бачӀаниги, Аллагьас ракӀбатизабула нилъер. Гьес нилъееги къуват кьола, – жинца нилъер ракӀбатизабулеб бугеб гӀадин, къварилъиялда ругезул нилъецаги ракӀбатизабизе.

МасихӀие букӀараб гӀадаб гӀазаб-гӀакъуба нилъее цӀикӀкӀанагӀан, МасихӀидалъун нилъер ракӀбатизабиги цӀикӀкӀуна.

Къадаралде щвезехъин ругилан ккун, нижедаго божулел рукӀинчӀо, хваралъуса рахъинарулев Аллагьасде тӀамун тун букӀана.

ГӀиса МасихӀиде цолъизарун нижги нужги къвакӀизарулев Аллагьас нилъ тӀаса рищана, абадияб гӀумруялъул гӀаламатлъун Илагьияб РухӀги нилъер ракӀазулъе рещтӀинабуна.

Нижеца гӀазаб-гӀакъуба хӀехьолеб буго нужер ракӀбатизабизе ва нуж хвасарлъизе гӀоло. Нижер ракӀбатизабурас нужерги ракӀбатизабила. Нижее бугеб гӀадинаб гӀазаб-гӀакъуба нужецаги сабруялда хӀехьани, гьелъги нужер ракӀбатизабила.