Suosittuja jakeita Raamatun kirjasta Matiyo 19

Jaa

Pig-inunu silan ni Jisus aw piglongan nan silan, “Diliꞌ na utaw mabatug yeiy, manang adti Tyumanem mabatug saba ya kadég.”

Yanagaw bekeꞌ da silan na duwa manang ma-imoꞌ da sambuk. Aw ya pig-isambuk da na Tyumanem, diliꞌ galu silan pagsuwayen na utaw!”

Tyumubag si Jisus kanilan, “Walaꞌ kaꞌ mayu kabasa dun ni Uldin ya pigpasulat na Tyumanem? Asini muna sa pag-imoꞌ nan sa manga utaw, duwa ya punganan nilan: Awun eseg aw awun bubay. Aw pigpasulat nan uman, ‘Yeiy ya du-an na indegan na eseg ya ama nan aw ina nan, aw pa-egketen silan ya ka͡ubayan nan, aw ya duwa silan ma-imoꞌ da sambuk.’

Yanagaw miglong si Jisus, “Pakadiya kanak ya manga mangayseꞌ aw ya-i mayu silan pagtageni! Kay ya manga utaw na dyumawat kanak kasiling na manga mangayseꞌ ini, silan saba ya maka-akup adti Kasakupan na Pighari-an na Tyumanem.”

Manang awun madég na utaw na nyaka-una adun aw makamoli silan kagaya. Aw madég uman ya utaw na nyakamoli adun manang maka-una kagaya.”

Aw pangkay singalan ya mag-ayaw sa kadég asuntu kanak, pangkay ya kanan balay, aw manga kaylug nan aw kanan mangkatikadeng aw manga mangayseꞌ, aw ya lupaꞌ nan asuntu kanak, un likuꞌ kanan ya sanggatus (100) ka piluꞌ na pig-ayawan nan aw matagtun nan uman ya ginawa na walaꞌ ya katigkasan.

Aw tyumubag si Jisus kanan, “Kun kaliman mu malingeb ya kadakulaꞌ, uliꞌ kaw aw galina ya manga nyatagtun mu. Tigkas yan, atagan ya kuwalta yan adti manga utaw na walaꞌ ya pagkamangan. Kun imo-un mu yeiy, dun da kaw pagluduk sa ka-unan adti tas na langit. Aw pagkatigkas yan, likuꞌ kaw adi aw dalug kaw kanak.”

Aw tyumubag si Jisus kanan, “Anangaꞌ kaw musip kanak kun unu ya madyaw? Sambuk da oloꞌ ya tengteng madyaw, yan ya Tyumanem. Kun kaliman mu matagtun ya ginawa na walaꞌ ya katigkasan, daluga ya kanan manga suguꞌ.”

Aw paglongun ta kamu na molas pa ya pag-agi na ayep na kamilyo adti gawang na dagem kay sa pagpaka-akup na utaw na mayaman dun ni Kasakupan na Pighari-an na Tyumanem.”

Ini ya kanak paglongun kamayu: Kun awun eseg na ayawan nan ya kanan ka͡ubayan na walaꞌ pagkasala-enen adti sambuk na eseg, aw mangugnan sakanan sa eped na ka͡ubayan, piglakadan nan ya muna ka͡ubayan nan.”

Pagkatigkas yan, miglong si Jisus sa manga umagakan nan, “Matinaw ya un ku paglongun kamayu: Malug sa utaw na mayaman ya pagpaka-akup adti Kasakupan na Pighari-an na Tyumanem.