Suosittuja jakeita Raamatun kirjasta Mateghusi 27

Jaa

Pathitengeyuwa, ko kukugherera Jesusi thikuma eshi: “Eli, Eli, lema sabagtani?” Kuninga eshi: “Nyambi wange, Nyambi wange, nye ghuna ni nwagherera kemo?”

Kapupi popo, ko kuyatuka dikehe dyongonda dhotembeli mukatji, kutunderera kuwiru kate pamuve. Muve wa kin̂ine nomawe ghandadhokire. Mambira gha yandhurukire, nawakakutawa hohengi ha vumbukire mwawafu.

Munyima ko kukugherera karo Jesusi thikuma, ko kufa keho.

Apa gha yi monine mukamiti wawakayita nawamashurundate, awa ha kungire nendi Jesusi, kumakin̂eno ghomuve no yoyiheya yi ya hokokire po, ha yapire thikuma no ha ningire eshi: “Murume yu, gha karire shemwa Mwana Nyambi.”

Kutunda pamutwekatji, kwa karire dikokore muditunga dyodihe, ho ya karire kate kuthitengeyuwa.

Ha ningi Pilatusi kukwawo eshi: “Nye ne keho sho ni tende naJesusi yu ha toya eshi Kristusi?” Ko kukushomonona waheya eshi: “Ghu mu pamarere kuthikurushe!” Ha wepura kwendi eshi: “Murandu munye gha tenda?” Ene wo pakukushomonona shime thikuma eshi: “Ghu mu pamarere kuthikurushe!”