Suosittuja jakeita Raamatun kirjasta Maatiyos 10

Jaa

Taykinna, ciido balih suulalti fanadde sin farak aniyok, siixo caror balih, gar-he lel xamaama balih abita.

Ishi aniina geyinnanti tee wayo kinni, ishi aniina aylayinnanti lel tee geyo kinni.

Rooxe kee irot nabse inkoh jahannabadde yaylawo dhiica tiyaako mashshita kibah, irot nabse yagdifeh rooxe yagdafo taana maraako mimashshiitina.

Ishi masqal yooqhoceh yi katayinnixeti yottah meeda.

Amaydo, xiyaw nifille yoh aaliminnan tiya, anu gantah carshelle geytima yi Abbah nifille akah aalamo kiyo. Xiyaw nifille yi xina tiya laakin, anu gantah carshelle geytima yi Abbah nifille kaa xino kiyo.

Laxuttem urusa, rabtem ugusa, saknittem iysiffiya, junuun lel eyyeca. Akfilekkah kabbattenki, ankiffilekkah uxuwa.

Atin mango cindhaa kimbirko ziyaada limo litinki, mimashshiitina.

Anu ta baarholle salaam baaho emeete makkalina. Sef kibah, salaam baaho emeeteh maaniyo.