Suosittuja jakeita Raamatun kirjasta Matiyu 12

Jaa

Míŋ a ǹʼbi ábɛɛ tɛ, ńʼtu konanmini wulu kulinŋ finŋ woo finŋ po a tɔnŋ ki ra, ńʼtu ntiŋ a ta nanɔri niŋ bataa sun kiti ki kwuru shikaŋ ki ru. Kirinŋ a ta ábɛɛ kiti, ŋì i kɛɲɛ á dariwulu kiri wu. Ábɛɛ yɛrima kiri dariwulu ki a ábɛɛ ji jiitiŋ ni i, á dariwulu ki i á ji koŋ pɔlimaantiŋ ni i, kiti ki i fɛɛn á sun. »

Ábɛɛ fɔnfɔniŋ kari! Ábɛɛ ra so ji-i wulu shɔɔrinŋ bitɔnŋ ni á tɔnŋ na dɔɔkunŋ, ŋì i bijɛ ki faamaan ki tu ábɛɛ ciiru. Bi wɔ̀ faa koŋ cii ki ru, nʼtɔnŋ ki i ninki bi-a.

Koŋ shɔɔrinŋ ki i bi shɔɔrinŋ ki po-a a ciiru, ntiŋ i ǹʼma-ni, koŋ jɛ ki i bijɛ ki po-ri a ciiru, ntiŋ i ǹʼma-ni.

Niŋ ki ra, míŋ a ǹʼbi ábɛɛ tɛ, ńʼtu bijɛ kwuru ki bataa fa Kirinŋ tɔ li bi kwuru ki bataa ra tu konanmini tɛ, nka Ɲiniwɔlinŋ ki tɔ li bi ki a tu koŋ tɛ fɛsɛfɛsɛ kì.

Jirinŋ shɔɔrinŋ ki i daŋ shɔɔrinŋ ki pa-a, jirinŋ jɛ ki i daŋ jɛ ki pa-ri, sabu jirinŋ ki i tɔ-a a daŋ ki ra.