Suosittuja jakeita Raamatun kirjasta Bræv Paulusar ápostuls til Rómverja 10

Jaa

Tí at um tú játtar við munni tínum, at Jesus er harri, og trýr í hjarta tínum, at Guð vakti hann upp frá deyðum, tá skalt tú verða frelstur

tí at við hjartanum verður trúð til rættvísi, men við munninum verður játtað til frelsu.

So kemur tá trúgvin av tí, sum verður hoyrt; men tað, sum verður hoyrt, kemur gjøgnum orð Krists.

Tí at skriftin sigur: «Hvør tann, sum trýr á hann, skal ikki verða til skammar.» Tí at ikki er munur á Jøda og Grikka; tí at hin sami er harri hjá øllum, fullríkur fyri øll tey, sum ákalla hann. Tí at hvør tann, sum ákallar navn Harrans, skal verða frelstur.

Og hvussu skulu teir prædika, uttan at teir verða sendir? Soleiðis sum skrivað er: «Hvussu yndisligir eru føtur teirra, sum boða gleðiboðskapin um hitt góða!»

Hvussu skulu tey tá ákalla tann, sum tey ikki trúgva á? Og hvussu skulu tey trúgva á tann, sum tey ikki hava hoyrt um? Og hvussu skulu tey hoyra, uttan at onkur er, sum prædikar?

Tí at Kristus er endin á lógini til rættvísi fyri hvønn tann, sum trýr.