Suosittuja jakeita Raamatun kirjasta Svun Mateo 10

Jaa

»¡Q'uelavilic! Li vo'one chajtaquic ech'el chac c'u cha'al chijetic yo' bu oy oq'uiletique. P'ijanic me chac c'u cha'al quiletel chon. Pero lecuc me avo'onic chac c'u cha'al paloma.

Ti much'u ta xi' o li milele, ja' ta xch'ay li xcuxlejale. Yan ti much'u ja' chlaj o ta milel ti yich'ojon ta muq'ue, ta xcuxi ta sbatel osil.

Mu me xaxi'ic o ti much'utic yo'onicuc smiloxuque, yu'un mu staic ta milel lach'ulelique. Ja' xi'anic o ti much'u xu' tstic' ochel ta c'oc la pat axoconique xchi'uc li ach'ulelique.

Ti much'u mu sc'an sq'uech ech'el scruzale, mi mu xi snap'letae, mu xc'ot o ti chtal ta jtojole.

»Ti much'u jamal chalic ta stojol crixchanoetic ti yich'ojicon ta muq'ue, ja' no'ox yech li vo'on uque, jamal chcalbe ti Jtot ta vinajele ti yich'ojicon ta muq'ue. Yan ti much'u mu xal ta jamal ta stojol crixchanoetic ti yich'ojicon ta muq'ue, ja' no'ox yech li vo'on uque, chcalbe ti Jtot tey ta vinajele ti mu xcojtiquinique.

Et'esbeic xchamel ti much'utic ipe. Cha'cuxesic animaetic. Et'esbeic xchamel ti much'utic ip ta leprae. Loq'uesbeic pucujetic ta yo'onic. Li vo'oxuque mu me xac'an atojolic ti c'alal chavet'esbeic li xchamelique.

Yech'o un mu me xaxi'ic. Li vo'oxuque más tsots ac'oplalic chac c'u cha'al li c'ox mutetique.

»Mu me xanopic ti tal cac' co'olajuc sjolic li crixchanoetic li' ta sba balamile; ma'uc tal cac' co'olajuc sjolic, vo'on ta jcoj ta scrontain o sbaic.