Suosittuja jakeita Raamatun kirjasta Matɨyo 24

Jaa

Wandɨ da kalaŋ dan̰ kondɨwayge kɨya jalɨwa lɔgɨ lɔgɨ coŋ, kɨya cay hɨnga ga ɨsɨni ga or dan̰ cɨndɨge jɨn̰ tumɔ tumɔ. Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Kɔl-gɨ-Ɗari gɨ ojɨ cay dɔɔ-ƴaa di daa nii di kɛ le, kan kɨya tɔgɛ bɛrnɛdi gon̰ kɨɗɨn̰ nɔm cay gɨsəŋ gaŋ, ɗe bɨle tɨmon̰ bɨn̰ te wɔɔ gɨ da kalaŋ nɔm. Wo̰ dɨm ma, cay gɨsəŋ toyge kɨya ayaŋ ƴee.

Kɨŋ kɨya jɔɔ noy kɨmbɨln̰əŋ ga mɨnde bɨ, kol kɨmbɨln̰əŋ ga hen̰ bɨ, ama ɗɔɔgɨŋ hundɔrɔ loogɨŋ naŋ. Kɨya gɨ naa wa wa kalɨn̰ ma hɨnga ga nee le kɨya ɨrga, ama na kagadɨge naŋ ƴee.

Te mon̰ gɨ pɨna kɨya san̰ dan̰ te mon̰ gɨ ɗaŋ bɨ, dɔɔ-ƴaa di pɨna kɨya san̰ dan̰ dɔɔ-ƴaa di ɗaŋ bɨ. Badɨra di gumu kɨya bɔɔ dan̰ kɨɗɨn̰ kɨɗɨn̰ bɨ, cay gɨsəŋ kɨya yɨbagde gusɨge yɨbag yɨbag dan̰ kɨɗɨn̰ kɨɗɨn̰ bɨ. Hɨnga ga nee le nɔm kɨya wɔyɛ na hɨn̰ wɔɔ gɨ ay te lɔɔ tama wo̰.

Gɨɗɨgɨ-Kumu dan̰ cay gɨsəŋ kɨya pɨdege, ama kɔl hɨnge na, kɨya pɨde naŋ bɨrɨŋ.

Kɨya wa dɨmdɨrdi kalaŋ kɨya ɨrgage dan̰ gusoŋnɨ bɨ yɔɔge hɨn̰: “Kɨris ban gɨ Kumu dorii le, na ɨŋ-bandi!” Bɨ kan kɨya kayege kalaŋ gɨɗaŋ.

«Boy wɔlɛdi gɨ nee le, kan kɨya ɗɔɔ gɨ kalaŋ na dɨsa ɗugoygɨŋ bɨ, na dɨɗɨgɨŋge bɨ. Te wɔɔ gɨ da kalaŋ nɔm kɨya ƴomgɨŋge dan̰ kuduroyge kɨya cay gusonɨ bɨ. Boy wɔlɛdi gɨ nee le, kondɨwadi kalaŋ kɨya ɗɔɔge aye kudurɔ coŋ. Kan kɨya aye cay gusɨge bɨ, kɨya ƴɔmɛ gusɨge dan̰ kuduroyge bɨ. Ka-yɔɔ-kɔl-gɨ-Kumu-ba-yɔɔ ga cɨndi naŋ, kɨya sɔge dan̰ kondige bɨ, kɨya narege kalaŋ dan̰ kondige bɨ.

Jesu say dɨbɨge cay nee yege hɨn̰: «Ɗagɨŋ muɗɔlɛ cay gusɨgɨŋ gɨŋ. Ɗɔɔgɨŋ ungo nargɨŋ bogɨgɨŋ kayaŋ naŋ ɨni.

Na toy di hɨn̰ wo̰ ma, kɨŋ-gandi kalɨn̰ ma, sɨmagɨŋ cay tɨbayigɨŋ dɨŋ, kɨya gɨ ɨŋ-bandi Kurɨn̰-ungo le, ɨŋ kɨya caga na boy tɨwa di kɨŋ sɨla naŋ dɨŋ.

Naa hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ, kɨya gɨ wɔlɛ gɨ Ba-gulondɨgɨŋ kɨya ɨrgan̰ le kɨŋ sɨla naŋ.

«Ama kɔl gɨ ojɨ cay wɔlɛdi bɨ, tɨwadi bɨ le, ungo pɨna nɛŋ sɨla naŋ. Ka-ƴɔbɛ ga daa sɨlage naŋ bɨ, Kuroŋ sɨla naŋ bɨ, ama na Kɨye bayi pɨna hayi ƴɔbɨ ba sɔlɛ.

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Kɨɗɨn̰ ga ɨŋ-bandi Kurɨn̰-ungo ɨŋ kɨya cagan̰ le, hɨnga kɨya lɔɔ gusɨge na hɨn̰ gɨ naa ba won̰ a boy ɨlge gɨ da Nɨwe gɨŋ wo̰. Boy ɨlge gɨ a tumoy kaŋdi Kumu ga kondi ga ongɨ bɨrɨŋ ƴen̰ cay gɨsəŋ bɨnjaŋ bɨnjaŋ le, kalaŋ diige bɨ, sige bɨ, ban̰aŋ ƴeege kandɨ bɨ, kandɨ ƴeege ban̰aŋ bɨ, ɗege karɨndɨge ga kandɨ orge gɔrɛ ƴaa bɨ, bɨrɨŋ gɨsɨn̰ wɔlɛ gɨ Nɨwe san̰ andɨn̰ a boy koburo gɨ gumu taa taa hɨn̰ ƴaa wo̰ gɨŋ. Kalaŋ ɨrɨmge cay hɨnga naŋ bɨrɨŋ, gɨsɨn̰ gɨ kaŋdi Kumu ga kondi ga ongɨ bɨrɨŋ, ƴen̰ cay gɨsəŋ bɨnjaŋ bɨnjaŋ, ɨrga ƴeege lee gɨ mundoŋge nɔm le. Caga gɨ da Kurɨn̰-ungo le, kɨya wɔyɛ na hɨn̰ wo̰ bɨ.