Suosittuja jakeita Raamatun kirjasta Matɨyo 18

Jaa

Əw kɨɗɨn̰ ga kalaŋ sɔɔ naŋ le, sɨbɨ dayaŋge nee dan̰ gusoŋnɨ na, ɨŋ woy duroyge nee.»

«Ɗaŋ coŋ aŋ yəgɨŋ na cɨndi, hɨn̰ gɨ kalaŋ sɔɔ duroygɨŋ a cay gɨsəŋ gaŋ kɛ kuduroyge na bugoŋ pɨna bɨ, ɨngɨrge hɨnga dan̰ ɔlɛ na, naa wa wa kalɨn̰ ma Banɨ gɨ som gɨɗɨgɨ-Kumu gɨŋ, kɨya bɨge hɨnga gaa nee le.

Jesu te kɨye gɨ n̰əŋ si duroyge bɨ, yege hɨn̰: «Aŋ yəgɨŋ daa waŋ na cɨndi: Hɨn̰ gɨ kɨŋ na bɨl gɨye-lɔɔdɨgɨŋ hɨn̰ karɨn̰aŋ ga n̰en̰əŋ wo̰ naŋ na, kɨŋ kɨya andaŋ boy dɔɔ-ƴaa di daa nii dɨŋ naŋ.

Ungo gɨ na bɨl gusi laan̰ kɨye gɨ n̰əŋ bɨ, bɨl wɨya hɨn̰ kɨye gɨ kɛ le na, ban mana gɨ gumu a boy dɔɔ-ƴaa di daa nii dɨŋ.

Waŋ waŋ gɨ na ƴɨma kɨye gɨ n̰əŋ gusi, hɨn̰ ban gɨ kɛ le dan̰ gusoŋnɨ na, ƴɔmɔŋ na ɨŋ-bandi gusɨnɨ gusi bɨ.

«Aŋ yəgɨŋ daa waŋ na cɨndi: Hɨnga nɔm ga kɨŋ kɨya saɗe a cay gɨsəŋ gaŋ kɛ le, kan kɨya saɗege a gɨɗɨgɨ-Kumu gɨŋ bɨ, hɨnga nɔm ga kɨŋ kɨya pɨndɨre a cay gɨsəŋ gaŋ na, kan kɨya pɨndɨre a gɨɗɨgɨ-Kumu gɨŋ bɨ.

Kardi nee na, Jesu yege hɨn̰: «Kɨŋ pɨna pɨna nɔm, hɨn̰ gɨ kɨŋ na ɗa kuduroygɨŋ jala cay gusɨgɨŋ dan̰ kuduroygɨŋ ga pɨna nɛŋ naŋ na, Banɨ gɨ som a gɨɗɨgɨ-Kumu gɨŋ kɨya lɔɔ danagɨŋ na hɨn̰ wo̰ bɨ.»

«Waŋ waŋ gɨ na laa gɨ kɨye pɨna duroy karɨn̰aŋ ga beege kuduroyge canɨ le, ɗe na ba boy ɨsɨna gɨŋ na, hɨn̰ gɨ ungo na saɗa garma gɨ gumu kordi ungo gɨ nee le bɨ, kan na ayayi dɨbii ɗurɔm duroy kuray gɨ gumu taa taa gɨŋ coŋ na, golgo kɨya cayi. Ɗɨn̰ gɨ ban na sɨma bɨ layda kan ga beege kuduroyge canɨ.

«Kɨŋ ɨrɨm na mɨna ga? Hɨn̰ gɨ ungo pɨna na ɨran̰ dan̰ gamge aru, ma di pɨna duroyge na kayaŋ na, kɨya ɗɔɔ ga toyge-dɨngɛsɨ-cayge-dɨngɛsɨ a cay garma gɨŋ bɨ, kɨya ɔrɛ male hɨndi di kayaŋ le naŋ ga?