Suosittuja jakeita Raamatun kirjasta Pulim 25

Jaa

BAŋA Wɛ maa we: “Dwia yalei mo wo nmo puga kam wone. Nmo wó lo dwi dwi kuni belei, ye ba wó ba ba pwɛ chwei. Dwi dedoa wó taa damma de dwoi dedwoŋi dem, zembaaro wom mo wó taa toŋe o pa o nyaane wom.”

O ma ta de Jakob o we, “Ke lela n wɔɔre n dwoa-nasoŋo kom konto n pa-ne se a di! Kokuri, a wora a toa mo de kana!” Dwoa bam na seene to ŋwaane mo ba déem bwoi‑o we ‘Edom’.

Rebeka déem na ye kadega to, Izaak ma lwoori BAŋA Wɛ se o kaane wom lo bu. BAŋA Wɛ ma sɛ o wɛ-lworo kom, ye o kaane Rebeka ja puga.

Esawu ma leiri we, “Nii ywo, amo laam gɛ fee mo se a te! Bɛ lam mo nakwe nyɔɔre dem wó taa jega se de nam pa amo?” Jakob ma leiri we, “Nam du amo yiga ne se n daare.” O de ma du duuri o pa‑o, ye o yeigi o nakwe nyɔɔre dem o pa Jakob.

Konto kwaga ne mo o nyaane wom de saŋe o nwoŋi pwooni, ye o jeŋa sɔ Esawu nakila. Ko ma pa se ba pa wonto yere we ‘Jakob’. Izaak déem jege bena fuseredo mo ye Rebeka lo-ba.

Izaak déem maa swoi Esawu, Esawu na jaane kago-vara nɔna yam o tui o pa‑o to ŋwaane. Rebeka de déem maa swoi Jakob.