Suosittuja jakeita Raamatun kirjasta Nwoŋim 7

Jaa

BAŋA Wɛ laam ma leiri Moses o we, “Nii! Amo lage a pa se n ta‑n nye de Wɛ mo Ejipti Pɛ wom yiga ne. Nmo zembaaro Aron wó taa ye nmo ni-jwoŋinu se o taa ŋɔɔne ded‑o.

Amo nam wó pa se Pɛ wom bochare taa damma. Amo wó pa se wo-kenkagela dedɛ ke Ejipti tiina bam tetare ne. De konto de, o ta bá sɛ o cheigi abam taane dem. Amo laam wó ma a dam-fɔrɔ a waare Ejipti tiina bam. Ko kwaga ne, amo wó pa se a nɔɔna bam nwoŋi da teo kom konto ne. Isarele tiina bam maama wó nwoŋi kɔgɔ de kɔgɔ.

Konto maama ná kea, Ejipti tiina bam wó lɔre we amo mo ye BAŋA Wɛ, de amo na mɛ dam a waare-ba pa se Isarele tiina bam na chwoŋa ba nwoŋi ba teo kom ne to ŋwaane.”

Pa-faro wom ma toŋe o bwoŋi o teo kom yi-nara de ko liri-mwa tiina se ba la daane. Liri keira bam na tu to, ba de ma kwei ba liri kikia ba lwoni ba ke wo-kenkagela yanto dwoŋi. Ba dedoa dedoa déem ma dole ba nachei sem ba de tega ne, ye se ji basankwe. Ko nam ná ye Aron nacheiga kam, kanto déem ligi ba nachei sem maama mo.

BAŋA Wɛ ni dem mo tento: Wɛ wó ke keim se nmo wane n lɔre we wonto mo ye BAŋA Wɛ. Nii ywo! Amo lage a kwei nacheiga kanto a na zei to a mage Naili na bam se ba pipiri ba ji jana.

“Ejipti Pɛ wom ná tage o we ‘Ke-na wo-kenkagele se a nii’, se n laam ta de Aron se o kwei o nacheiga kam o dole o de tega ne, Pɛ wom yiga ne. O ná kea, ka wó ji basankwea.” Moses de Aron déem ma vo ba zo Pa-faro wom tei. Ba ma ke kolo maama BAŋA Wɛ na bere-ba to. Aron déem kwei o nacheiga kam mo o dole o de tega ne, Pɛ wom dedaane o nakwa yiga ne. Ka ma seene ka ji basankwea.