Suosittuja jakeita Raamatun kirjasta Matius 5

Jaa

Om ausoi tulun momuang do lampu om tinggouban diri mital, nga pokoyon siri potimpakan do lampu, om otitianno kasangkat si saralom valai. Irad kou nogi dino do popoimbulai dino gaagaya muju taandai irad di vinaang do tumitiu do tulun vokon, om otutunani do tanak kou do Kinoringan om arajoui i Tama tokou silo suruga,” kadi Yisus.

Ikovu nogi nga irad do vinaang i pinakatanavau di tongotulun siti saralom vonuvo. Au kovi kolosok irad diri bandar pointimpak siri kulud antang-antangan do tulun mantad si gana.

Ososogitno iri tulun di olidang ginavo do iolono koontong di Kinoringan insan tadau.

Ososogitno iri tulun do vitilon om tuuvan do maja di kouvangan do Kinoringan, do uupan di Kinoringan iolo do maja diri kouvanganJo insan tadau.

Nga Ioku monuduk dikovu do misti do au kou kojuu nogi di musu muju, om sambayangaino i tulun di pokoruol dikovu.

“Ososogitno iri tulun do kopuriman do au obobobos i ginavo diolo do mokitulung di Kinoringan, do iolono i porintawon di Kinoringan.

Ososogitno iri tulun di koilo popiandai do vokon do iolono pinakatanak di Kinoringan insan tadau.

Ososogitno iri tulun di osusa ginavo koondom di duso, do toluodon di Kinoringan iolo insan tadau.

Ososogitno iri tulun di pokorualan do vokon sabap maja do kouvangan di Kinoringan, do iolono porintawon di Kinoringan.

Ososogitno iri tulun di osianan do vokon do i Kinoringan nga osianani diolo insan tadau.

Ososogit kouno nong insasanawon kou om pokorualan om pisimvuvudutan kou do tongotulun sabap maja kou Dogo. Ososogit kouno sabap iri tongonabi, i popolombus di tinangaran do Kinoringan di pogulu, nga pinokoruol nogi di tulun do irad dino. Jadi pasanangono ino ginavo muju om aandaian i ginavo muju nong irad dino pokorualan kou sabap agajo iri isuli di Kinoringan dikovu do korikot kou soi suruga do insan tadau,” kadi Yisus.

Ososogitno iri tulun di osuribak ginavo do kaanu nogi iolo diri nijanji di Kinoringan insan tadau.

Om kadi Yisus kavagu di tongotulunJo, “Ikovu nopo nga irad do tasin i pongongosin do taakanon supaya au apasa, jadi sabap di gaagaya muju di aandai kokodos dii i tulun di gaagaya do araat. Nga nong malono iri rasa do tasin diri nga auno dii moilo poosinon kavagu. Irad dino auno apakai, taanpo do pataam om pipapasakan do tulun.

Aandai do oviivion muju papaandai dino gaagaya muju do irad nogi di Tama tokou soi suruga do aavi-avi i kaandaioJo,” kadi Yisus.

Nong oinomod jawapan nopo do, ‘Oo,’ ka. Nga nong aui oinomod jawapan nopo do, ‘Au,’ ka, do sondiang nopo mantad diti om irino mantad di kotua do rogon,” kadi Yisus.

Om kadi Yisus kavagu, “Nokorongou kouno di tangar do, ‘Nokobolouko nopo do mato do tulun, matonu nga bolooni. Nong nokotipuko nopo do nipon do tulun, niponnu nga tipuoni,’ ka. Nga Ioku monuduk dikovu do adano sumuli diri tulun do mangaraat dika. Nong tompilingon nopo do tulun ino porilingnu ponong vanan, pataanonpo ino porilingnu gibang.

Om minaganu i Yisus do iso poiradan do, “Irad nopo diri nong matonu ponong vanan mongovit dika mamaal do duso, sungkitono i linsou matonu om pataamon. Gaam nogi do oidu ino matonu sampaping mantad do asangkaju ino kojuvannu do potunuvon siri tapui naraka. Om nogi nong longonnu ponong vanan mongovit dika mamaal do duso, totokono pataam. Gaam nogi do oidu ino longonnu sampaping mantad do asangkaju ino kojuvannu do pataamon siri tapui naraka,” kadi Yisus.