Suosittuja jakeita Raamatun kirjasta Sudije 7

Jaa

O GOSPOD phenda e Gedeonese: “Tusa si but bari vojska te bi šajine te predav e Midjancuren ane lenđe vasta. Te ne bi e Izraelcura avena barikane thaj te ne bi phenena: ‘Amare zuralimasa spasisaljam.’

O GOSPOD phenda e Gedeonese: “Ka spasiv tumen akale trišele manušencar save pilje o paj čhibasa, thaj ka predav e Midjancuren ane ćire vasta. Sa avera nek džan pese ćhere.”

Golese vaćar e vojskaće: ‘Ko daral thaj izdral tari dar, nek džal taro brego o Gilad thaj nek iril pe ćhere.’” Tegani bišteduj milje (22 000) vojnikura đele pese, a ačhile deš milje (10 000).

O GOSPOD phenda e Gedeonese: “Vadži isi tut but bari vojska. Inđar e vojska tele dži o paj, odori me ka biriv len tuće. Baše kaste vaćarav tuće: ‘Kava nek džal tusa’, gova nek džal. Al baše kaste vaćarav: ‘Kava ma te džal tusa’, gova ma te džal.”

Gija o Gedeon inđarda e vojnikuren tele dži o paj, a o GOSPOD phenda e Gedeonese: “Crde ki jekh rig kolen save čhibasa pijen o paj sar džukle, tare kola save si ke koča dži kaj pijen paj.” Kola so pilje o paj čhibasa gija so vastesa čhuvena le ano muj, sesa trišel (300). A sa avera manuša sesa ke koča dži kaj pilje paj.