Suosittuja jakeita Raamatun kirjasta Tito 3

Jaa

Ëgweeso itungo nënaa Muungu Mutyoi witu waraghëëra uja nanë uyanjo kunë sese, mweeso agagutyoa sese. Agatenda uyi ti gusoko a ntendo yitu në njija nëgwayitendie mu tutë, ëgweeso mu uja wa gëhe gakwe mughonjo. Gwa njëa a Mwahu Mweru agagooya sese na utendeka gwë ufafo në ufya nanë uhanga ufanga në ufya. Mwahu uyi mweeso agagukununtëa gunto itu gwa wingë ukerea Yesu Kiristo Mutyoi witu. Mweeso agatenda uyi gusoko sese gudahe utenda gwë aja gwa mboto akwe na gutendeke gwë asai mu ighonje ra ufanga wa khae na khae.

Vakëmbukëye anya uKirete vinyumpye gwa anya gibala nanë anya udaho. Vëtende vëna ikuryo, na vighondanëye gwa ntendo yoong'e në njija. Veeso vëtarighëëtye në mavë gwa muntu woong'e, vërekanuke na wikhuvi. Vëtende antu në aja gwa antu voong'e, na vëraghëëre ufoo wa tutë gwa antu voong'e.

Ëgweeso rekanuka na sang'ida a gëfutu, mukhova në urifu wa mahumo nëuvaghokëe vaa kükü, wibaghui, nane wihomi, gusoko asaa ëtina sao na ëtina ryana.

Mwino gusoko muntu nëugusacha wibaghui, nëwadaha umwonya muhënjo rumwedu mba muhënjo wa gavëë rekanuka na muntu wasuu.