Suosittuja jakeita Raamatun kirjasta Arumi 14

Jaa

Gusoko utemi wa Muungu tiësa ula na unywa, ëgweeso unë tutë na majëghana na uyanjo mu Mwahu Mweru. Gusoko wasuu nëugumutumëa Kiristo mu mantu asaa ugumuyanjisyaa Muungu, kangë uguyanjwa na anaantu.

Gusoko mbesa guunduva, guudura kunë Müküü, mbesa guukuya, guukuya kunë Müküü. Uvii mbesa guuduva namba gwakuya, gwëë mari a Müküü.

Uvii nësa chuu gwëë vii, nëguahonge mantu a majëghana na mantu nëënoneye gwa gijenga.

Uvii gutafwaghëëree giramuëya, ëgweeso bahu duyi iramuëya ërëë, muntu atatendëë intu ra umusacha munyandughu wakwe mbesa ra umugwësya.

Gusoko yiandëkiwe: “Mwino nguduvaa, uguhanya Müküü, mu iru rëutungama usonge anë, Na mu urëmë ugumukumua Muungu,” Gwa uvii, mu muntu mukhatë itu ujie uduya sayu yakwe mughonjo usonge a Muungu.

Wasuu nëmulegheeku wa uhuvëi, mughenyifi, ëgweeso mutaramuëyee masëgho akwe.

Veve wëë anyu nëugumuramuëya mutumami wa muntu ungëjahe? Kunë müküü wakwe mughonjo mweeso ugimëkaa mbesa ugugwaa.