Suosittuja jakeita Raamatun kirjasta Arumi 1

Jaa

Gusoko ësëë nene ntina mënyaa gwa Sayu Njija: unë nguu ya Muungu gwa utyoi gwa muu muntu nëwina uhuvëi, gwa Muyahudi tanju kangënoo gwa Muyunani.

Gusoko mukhatë ayo weru nanë tutë a Muungu wakunukuwe gwa njëa a uhuvëi gwa uhuvëi, mwino yiandëkiwe, “Wasuu në gwa njëa a uhuvëi unë mweru na wë mututë wasuu uguduva.”

Udua fana Muungu watundie urëmi udaho wakwe wa khae na khae nëutigoonekaa, uu nguu na urungu wakwe wa khae oong'e, wamanyëkie daaji gwa mantu në atundiwe. Gwa uvii, vëtina njëa mbanduvë a ginegha.

Gusoko, nënaavamumanya Muungu vëgadëa umukurya mwino mweeso unë Muungu mbesa umurumba, ëgweeso vëgayaghaa mu mëbëëduko awe në ti atutë, na nkhoo yawe niina ufutu ëgatendeka kiti.

Gusoko vëgakhanëkëya tutë nëëmughookëe Muungu gwa weegheeghe na vëgakurya na utumamëa ntundo hiya na Matunda, wasuu nëunoneye ukutwa khae na khae! Amina.

Gusoko ikuwo ra Muungu rakunukuwe ufuma girunde hiya na voong'e nëvëtiumukuryaa Muungu nanë uvaya wa antu unë gwa uvoya wawe vëumëkunëkëa tutë.

Gusoko ëyëë Muungu agavareka vëhonge nkumbu nëtiyaikuryo. Akhema awe vëgakhanëkëëya ntendo nëinoneye na ntundo a mëërë awe gwa ësëë nëyitinoneye mu ntundo. Aghosya noo vii uvii, vëgareka uhonga ntendo ya ntundo a mughosya na mukhema vëgihuunukwa veeso gwa veeso. Aghosya vëgitendea mantu a mënyaa veeso gwa veeso vëgahanga munkhoo yawe asaa nënaaëvagwëëre mu uyaghoo wawe. Na gusoko antu vëgahita umumanya Muungu mu mahaa awe, Muungu agavareka vëhonge mahaa awe a futu, vëyatende nëëtivanoneye.

Vëgitendaa mwino vina ihaa ngwë afuu. Na veeso vëukhanëkëya üküü wa Muungu nëatiukuyaa gusoko a sanamu nëyikhwete na muntu nëugukuyaa mba nyonyi mba maimwana mba maimwana ayo në ina saghami ndyoku.