Suosittuja jakeita Raamatun kirjasta Ukunukuo 19

Jaa

Nëguyanje na gëririsya; gumukumajue, gusoko itungo ra uvire wa Mwankhoo rajaa, na musyëda wighondanëya.

Gunto a isaa rakwe, na gunto a mughuu wakwe, naa wandëkiwe rina, “Mutëmi wa Atëmi na Müküü wa Akuu.”

Kangë nëgaona irunde rërughuwë; na kuuko na ërëfo nyümbü ëmwedu njeru, na munya umënatëa nyumbu wayo ugutanwa “Muhuvëi na wa Tutë.” Wasuu uguramua na gekhuva gusoko a uja.

Miho akwe ë mwino moto, na naa urëe ngaa nyingë gëtwë. Na wandëkëwe rina nënaa gutie muntu nëurëmanyie ëgweeso mweeso imwenedu. Naa uryëe isaa nënaa rëlovikëwe u saghami. Na rina rakwe wasuu në “Ukhani wa Muungu.”

Itëmeo ryëghe ufuma umomo wakwe, na gwa itëmeo rasëë agavahuma ana arëme. Mweeso unë ujie gibala gwa mwaanga wa chuma na umëkhama divai gwa gife ga usëndëkëa sabibu ya ëkuurëo ëkuu ra Muungu Munya Udaho.

Imwana ëroo agakwatwa (gusoko rahumiwe), itambëëmwe na munyagëdaghu wa wegheghe nënaa ugutëndaa makura usonge akwe. (Gwa makura asaa, na waayaghaye vasaa nënaa vina mutojo wa imwana ëroo, na nënaa vëumëkurya sanamu akwe.) Imwana ëroo itambëëmwe nanë munyagëdaghu uyoo vëgajughutwa voong'e vavëë, kunu afanga ryu, mukhatë a irambo në ryakie moto wa gëbirigitë.