Suosittuja jakeita Raamatun kirjasta Yohana 10

Jaa

Muhëmbi ugujaa ahëmbe, auraghe na uruva. Nene najie gusoko vëdahe uhanga ufanga, na vëtende vina ufanga në wingë.

Nene në mudëmi nëmuja. Mudëmi nëmuja uguwuduyaa uduvi wakwe gusoko a nkhoo.

Nkhoo yane ëgutegheeya ruri wane, na nene nëimanyie, na njeeso igung'ongaa nene.

Nene nguyifaa njeeso ufanga wa khae na khae, na njeeso itiuyaghaa kamwe, na gutie muntu nëuguyiheya njeeso u mukhono wane.

Nene në mufita. Mbesa muntu woong'e ugingëëra kunë nene mweeso ugutyweka. Mweeso ugingëa na udua na uguhanga udëmo.

Nene në mudëmi nëmuja. Nene nëimanyie nkhoo yane na nkhoo yane noo imanyie nee.

Tata wane unë wampee njeeso kunë nene, në müküü ukëra voong'e, na gutie muntu nëudahëte uyiheya njeeso ufumu u mukhono wamwa Tata. Nee gwina Tata gwë itambëëmwe.”

Mwino Tata umanyie nee na nee nëmumanyie Tata. Na nene nguduya uduvi wane gusoko a nkhoo.

Gutie muntu nëugung'egheya nene, ëgweeso nene nguuduya gwa iyanje rane mughonjo. Nene nëkweti udaho wa uduya uduvi wane, na nëkweti udaho wa uwuhora kangë. Iraghë'eyo ërëë narëghenyifie ufuma kunë Tata wane.”

Yesu agavëëra kangë, “Tutë, tuutë, nene ngumwëëra nyenye, Nene unë mufita wa nkhoo.

Muntu wa gënyamwëmo na ti mudëmi, mweeso noo ti mughonjo wa nkhoo, nëwamëona mbughi ëjie, uguyirekaa nkhoo na umanka. Mbughi ëguyikwata nkhoo na uyifaghatya.

“Tutë, tuutë, nene ngumwëëra nyenye, mweeso unë wadëa gingëa u mufita wa nkhoo, ëgweeso ugulalura ng'andë ëngë, muntu wasuu në muhëmbi na mufumpi.