Suosittuja jakeita Raamatun kirjasta Vaeburania 9

Jaa

vii uvii Kiristo mweesonoo agifunya ikumbëko muhënjo rumwedu gutufu gusoko a uyaheya mahutye a vingë. Nëikwë wadwëëra muhënjo wa gavëë ti gwa wikhuvë na mahutye, ëgweeso gusoko a uvatyoa vasaa nëvëmwiindëëre.

Gweeso, gwa saghami amwa Kiristo, mantu në maküü nanguu ëgutendeka! Gwa nguu ya Mwahu wa khae na khae, Kiristo agiduya mweeso ikumbëko nërëkhondie kunë Muungu. Saghami akwe ëgugwerya dhamiri yitu gwa ufuma ntendo nëyigweetaa nkuya, gusoko gudahe ümütümamëa Muungu në mufanga.

Uvii, mwino chuu muu muntu ugukuyaa muhënjo rumwedu gutufu, na faafo gimëka usonge a iramweywa ra Muungu

Nhaa, gwa mu Seria ëgiinga uraghëëra muu intu rëudaha geriwa gwa saghami, nanë mahutye noo ëguheyiwa gutufu nësa saghami ahunuwaa.

Uvii Kiristo unë warëning'anëëye iraghano në ifya gusoko vasaa nëvataaniwe na Muungu vëyihange mboto ya khae na khae nëvayiahidëwe. Vëuyihanga, gusoko ikuya radwëëre rasëë nërëuvakhomoaa antu udua mu mahutye nëvayatendie itungo ra iraghano ëroo ra khae.