Suosittuja jakeita Raamatun kirjasta Vaeburania 4

Jaa

Ukhani wa Muungu uu në ufanga na wina nguu, uu në wëgë nanguu ukëra mpaanga në njëgë mpaande ivëë. Ugutemaa ino faka fana nkhoo na mwahu yuutang'anaa, faka faafo fana yiutang'anaa nongo ya mwërë na makuta. Ukhani üsüü ugusëmbuyaa nkümbü nanë masëgho a nkhoo ya antu.

Uvii nëgurëhumbeere gwa udëa uhanga wova itumbë ra utemi ra Muungu, fana gwina mboto, gudahe gihangëa rëonewa ra uvavi na mboto a ugwaarëëya itungo nërënoneye.

Mükumbëki Müküü witu uyuu atiikhwetë na wasuu nëatiudaha ugwaarëëya mu ulegheeku witu, ëgweeso unë Mükumbëki Müküü nëagaghemwa mwino sese gwa mu njëa hiyahiya ëgweeso inatendaa ihutye.

Gutie ntundo mba ëmwe nëëgufihëkaa usonge a Muungu, mu intu rëkunukuwe daaji usonge a miho akwe. Kunë mweeso, sese soong'e ëgunoneye uduya mahanyo a ntendo yitu.

Uvii, igunoneye ukwatëëra ino uhuvëi nëguwukumuaa. Gusoko gukweti Mükumbëki Müküü nëwakëëre mu maunde, Yesu Mwana wa Muungu.

Uvii, gwikunkunyaye urëhanga ituyo rasëë, tajaa atendekee sa urëfo mukhatë anyu nëugutümba, mwino vëgatenda avoo gusoko gwa üwürya uhuvëi.