Suosittuja jakeita Raamatun kirjasta Vaeburania 2

Jaa

Na, udahëte itungwee uvaarëëya vasaa nëvëughemwaa, gusoko mweeso mughonjo agaghemwa na ukhasiwa.

Uvii, gusoko ang'ënya vasaa, mwino vëutaanwaa, unë antu nevëna mwërë na saghami, Yesu mughonjo watendeka mwino veeso na ukhuvëa mu untu wawe. Agatenda uvii gusoko gwa njëa a ikuya rakwe amukhalange Ibilisi, wasuu nëwina wibali gunto a ikuya

Gusoko ësëë ëgunoneye guyakwatëëre tutë tuutë oong'e nëgwayategheeye, gutajee ukhongwa na uyaghaywa.

Gusoko uvii ëgamunoneya atendeke mwino muuna wawe gwa mu gëntu, gusoko atende Mukumbëki në Müküü wawe në wa tutë nanë munya goonea uvavi mukhatë a umutumamëa Muungu, gusoko mahutye a antu ëheyiwe.

Ëgweeso gumughune Yesu, wasuu nëagatendwa gwa itungo ikufë utendeka fang'ë nanguu ukëra malaëka, gusoko a mboto a Muungu akuye gusoko a antu voong'e. Itungwee gumughune watendiwe mutemi gwa üküü na iküryo gusoko a ikuya nëagakhasëka.