Suosittuja jakeita Raamatun kirjasta Vaeburania 11

Jaa

Utendeka wina uhuvëi unë utenda wina ighonje tutë tuutë ra mantu nëëjie udwëëra, uhuvëa tutë tuutë mantu nëgutiyaghune. Gusoko ësëë anyampaa vitu khae vëgasudangëwa.

Uvii, nëgutie uhuvëi itiudahëka umuyanjisya Muungu. Gusoko muu muntu nëugumweendeaa Muungu imunoneye ahuvëi mwino Muungu urëfo, na mwino chuu uguvafaa gëfewa vasaa nëvëumufenjaa mweeso.

Gwa uhuvëi sese gumanyie mwino urëmi ugatundwa gwa ukhani wa Muungu, mantu nëëgunëkie udua mantu nëëtigunëkie.

Gwa uhuvëi Iburahimu agamutegheeya Muungu nënaawataanwa ende ung'ë nënaa Muungu ugumufa itende akwe. Mbesa naatighune kunu naa winjë, agarughua. Gwa uhuvëi agaduva mwino mughenyi mung'ë nënaa Muungu wamufee iraghano. Agaduva kuuko mwi iheme mwino naa vëgaduva Isaka nanë Yakobo, vasaa noo nëvëgakhuvëa mu iraghano ërëëro ërëëro.

Gwa uhuvëi Noa agaonywa na Muungu gwa mantu nënaa ëjie nënaa inadaha uyoona. Agamutegheeya Muungu, agajenga safina ëyoo fana naa agatyowa mweeso itambëëmwe na khaya akwe. Gwa ufuma na asaa urëmi ugaramwëywa, mweeso Noa agahanga uja ufuma mu uhuvëi.

Gwa uhuvëi Henoki agahorwa na Muungu, adëe ukuya. Inadwëëraa kangë gusoko Muungu naa agamuhora. Maandëko ëguhanya mwino nënaa akëë ainahorwa naa wamuyanjisiye Muungu.

Gwa uhuvëi Abeli agamudwëëya Muungu ikumbëko në ija nanguu ukëra ëroo ramwa Kaini. Gwa uhuvëi wakwe agayanjëywa na Muungu mwino muntu wa uduvi në uja, Muungu mughonjo agayighenyifa dahwa yakwe. Gwa uhuvëi wakwe mbesa wakure, ëkëë ugurëghiityaa.

Gwa uhuvëi nanë Sara agahuvëa mwino Muungu ugutendaa mwino iraghano rakwe, gwa uvii agadaha guucha wiito mbesanaa wakëire mëakha.

Gusoko Iburahimu naa wiindëëre muji nëwina mësiingi nëmëkhamu, muji nënaa Muungu mughonjo unë mujengi nëagaughema na uwüjenga.

Gwa uhuvëi Musa, nënaa watenda muntu müküü, agahita utaanwa mwana wa muncha wamwa Farao. Agoona bahu ukhasëka itambëëmwe na antu va Muungu ukëra giyanjisya gwa uja wa mahutye gwa ikhondo ikufë. Agamanya mwino ukhasëka gusoko amwa Masihi gwina nsao nküü nanguu ukëra ughwarë woong'e wa ng'ë a Misiri, gusoko naa wina ighoje ra gëfewa usongeayo. Gwa uhuvëi Musa agarughua udua ung'ë a Misiri gwa udëa ghooghofa ikuwo ra mutemi, na mbesa inasukaa unyuma, gusoko naa wëë mwino muntu nëwamughune Muungu wasuu nëatigoonëkanaa.

Gwa uhuvëi Iburahimu agamufunya mwanakwe Isaka në naa umwedu ikumbëko itungo nënaa Muungu agamufiima. Iburahimu wasuu unë wasuu nënaa agaghenyifa iraghano a Muungu, ëgweeso, mbesa uvii, agayanja umuduya ikumbëko mwanakwe nënaa imwenedu

Gwa uhuvëi Rahabu nëna müfümbu inameeywaa itambëëmwe na avoo nënaa vendie kure na Muungu, gusoko agavaghenyifa gwa majëghana asëmbüya avoo.

Gwa uhuvëi antu va Isiraeli vëganankëa irambo ra Samu, mwino ëtë naa ng'ë nkaku, ëgweeso Amisiri nënaa vasoya utenda uwuu vëgakuya na majë.

Gwa uhuvëi nkhando ya muji wa uYeriko yigagwa, antu va Isiraeli nënaa vadaha uyifiimëya gwa itungo ra matiku müfungatë.

Gwa uhuvëi agarëkürya itiku ra Fasaka, agaraghëëya saghami ëmyaghëwe gunto a ndurye, gusoko malaëka wasuu nëmuuraghi atavauraghee afafwa va mwandyo va Isiraeli.

Gwa uhuvëi Yosefu nënaa wahumbeera ukuya agahanya ufuma gwa Aisiraeli mung'ë a uMisiri, na kangë agavarekea maraghëëyo gwa makufa akwe.

Gwa uhuvëi Yakobo nënaa, wahumbeera ukuya, agavaforya ang'ënya voong'e vamwa Yosefu, agamükürya Muungu uhaghamëe mwaanga wakwe uroo.

Gwa uhuvëi Isaka agavaforya Yakobo ina Esau, vëhange mboto nëijie matiku a usonge.