Suosittuja jakeita Raamatun kirjasta Agalatia 5

Jaa

Mwahu Mweru uguvatendaa antu vëtende vina uyanjo uküü munkhoo, vëduve gwa majëghana mukhatë a muntu na muntu muuyakwe. Mweeso uguvafaa ughëmëëyi wa mantu në makaku, gëarëya veeso gwa veeso, gitendea vija veeso gwa veeso, utenda ahuvëi. Mweeso uguvatendaa vëkegikheefea veeso gwa veeso na uhita utenda nkumbu yoong'e ya mwëërë. Gutie seria yoong'e në yiumwibalaa muntu nëuguduva uduvi urui.

Nene nina ryana tëërë; duvi gwa Mwahu na mutatënde gwa uhonga nkumbu ya mwëërë.

Nësa guduva gwa Mwahu Mweru, uvii noo enoneye gwenende gwa Mwahu Mweru.

Vasaa voong'e unë vëmuhongie Kiristo vakhomiwe u mutë, mwëërë itambëëmwe na nkumbu yayo.

Itungwee ntendo ya mwëërë ii daaji: uramatwë, ulehadi, na ntendo yawe yi mwino ya mbwa. Ukurya arungu në ti arungu, uroghi, urughu mukhatë a muntu na muntu. Giihoma gwa ikhuo, ufenja uvaonyatëëya vangëja, wikungumi nanë marekanuko. Wiru, ughaa nanë ughaa mung'ë a sigunkuu yawe ya gëdini. Na utendaa mantu angëja mwino ayaa. Nene ngumwonya mwino namwonyiye songe; voong'e në vëutendaa mantu ayaa, vëtiuwasaa utemi wa Muungu.

Gusoko nyenye ahuvëi woyane, Muungu wamusambëe nyenye mutende mwina uhaghaaro. Ëgweeso nyenye mutautumëa uhaghaaro urui, mwino iyoma ra utenda mantu a gëmwëërë. Ëgweeso ukëërëa uyanjo itumëkëi nyenye gwa nyenye.

Gusoko nkumbu ya mwëërë i haya na ya Mwahu, na nkumbu ya Mwahu i hiya na ya mwëërë. Gusoko ëyëë, iyii igifënga nyeeso gwa nyeeso, gwa umughëëya nyenye mweke utenda rasëë në mu rëfenja.

Gusoko Seria yoong'e ikhondekie gwa ukhani rumwedu, “Nyenye nyoong'e imunoneye muvayanje antu woyanyu mwino nyenye mwiyanjëtë aghonjo.”

Uvii, gutagitendee, gutagikenee sese gwa sese mbesa gutagionee wiru.

Kiristo wagufee sese uhaghaaro. Uvii sese gwina uhagharo wa tutë, Gusoko ësëë imëki sese, na mutatende mwë atughwa mba duvë!