Suosittuja jakeita Raamatun kirjasta 2 Fetero 3

Jaa

Müküü ati mpampwa utenda mantu ëdwëëre në mweeso wayaraghanie mwino antu vëgëtunga vëughemaa. Ëgweeso mweeso ugughëmëëya gwa soko anyu, gusoko atiufenja muntu mba umwedu aruvëke, ëgweeso voong'e vëfee.

Ëgweeso ayanjwi, mutahorye tütë ëyëë, kunë mweeso itiku rëmwedu në mwino mëakha ighana rëmwedu ra njou, na mëakha ighana rëmwedu ra njou në mwino itiku rëmwedu.

Ëgweeso kuri mung'ë a mboto na umanyi wa Müküü witu na Mutyoi Yesu Kiristo. Kunë mweeso ëtendeke asi itungwee faka itiku ra mpeo. Amina.

Ëgweeso itiku ra Müküü rëjie mwino mwivi, uvii irunde rëukëra itambëëmwe na mukindo üküü, na mantu në a ntundo a khae a girunde injë urungwëywa na moto, na fang'ë nanë mëëmo nëëmukhatë ayo injë urungwëywa.

Gusoko mantu oong'e injë uruvangwa vii, nyenye mufenjiwa mutende mwë antukëhe? Uduvi në weru na wagifunya kunë Muungu, ësë mwindëe na gitintarya gwa nkumbu nküü gusoko a uja gwa itiku ra Müküü. Itiku rasëë irunde rëjie ufësiwa na uruvangwa, na ntundo oong'e injë uhatiwa na moto.