Suosittuja jakeita Raamatun kirjasta 2 Akorinto 9

Jaa

Na Muungu wina udaho wa umukununtya mboto nyingë gusoko anyu, gusoko nyenye mudahe utënda mukweti mantu mingë mwitiku. Na mweeso udahëtë umufa mboto në nyingë gusoko a uvarëëya antu nëvëtikweti.

Mu muntu mukhatë anyu inoneye aduye mwino mweeso wadahie uramwua munkhoo akwe. Mweeso në aduye gwa uyanjo na ti gusoko muntu ungëja ugumwonyeya nyenye utënda uwuu, gusoko Muungu uyanjëtë antu unë vëyanjëtë uduya gwa uyanjo.

Intu në nene ngufenja uhanya në tëërë: antu unë vëufandëa mbeyu nkeevu vinjë uhangwëëya ntënange nyughuu. Na antu avoo unë vëufandëa mbeyu nyingë vinjë uhangwëëya ntënange nkuu.

Mweeso [Muungu] në ugufuyaa mbeyu gwa mufandëi na winjë ufunya mukaatë gusoko a ilëwa. Na mweeso winjë umufa mbeyu nyingë, na mweeso winjë gongeeya rasëë në nyenye mukweti gusoko nyenye mudaha uvafa avoo nëvëtikweti intu. Nyenye mwinjë ughwëfiwa gwa njëa yoong'e gusoko muhange gëhe gëkuu ga ufunya. Uvii antu vingë vinjë umurumba Muungu ukëërëa kunë sese.

Sese gumurumba Muungu gusoko a mboto akwe në gutië nkhani ya udona.