Suosittuja jakeita Raamatun kirjasta 2 Akorinto 5

Jaa

Gwa uvii, nesa muntu wë mung'ë amwa Kristo, mweeso në ntundo në mpya; mantu akheengë akëire, rarava, ntundo në mpya adahie ujaa.

Gusoko Muungu wamusachiye mweeso aingëe giburi ra anya mahutye mwi yoma ritu. Kiristo mweeso kamwe inatëndaa ihutye, gusoko gwa ukhuvëa itambëëmwe na mweeso Muungu wagutëndie sese gwingëe giburi ra antu nëvëghokie.

Sese guduvie gwa uhuvëi, ti gwa goona.

Në Muungu unë watëndie ayaa oong'e ukëërëa ikuya ramwa Kiristo. Mung'ë a ntendo ëyëë mweeso wendie ugukhanëkëya sese gutënde gwë anyambuya vakwe mughonjo. Na mweeso wendie ugufa mwëmo wa utënda majëghana mukhatë akwe na antu vangëja. Ëyëë në uhanya Muungu mung'ë amwa Kiristo waatëndie antu va mu urëmi vëtënde anyambuya vakwe, inaavariya mahutye awe. Na watendee kunë sese sayu ëyëë a ukhuvëi.

Uvii sese gwatumiwe urighëëtya gusoko amwa Kiristo, Muungu ugwanena antu ukëërëa sese. Sese gurighëëtya gusoko amwa Kiristo na sese gumunena nyenye gusoko amwa Kiristo.

Ëyëë në uhanya mwino mweeso wakure gusoko a antu voong'e. Wakure gusoko avoo unë vëuduva vëdahe uduva ti gusoko awe aghonjo. Ëgweeso gusoko a mweeso unë gusoko awe mweeso wakure na unë Muungu wamufëtëye ufuma gwakuyi. Gwa uvii, ufuma itungwee faka itungo nërëjie, sese gutiumughemaa muntu woong'e gwa ihaa ra gëuntu. Mbesa afoo mwandyo sese gwendie umughema Kiristo gwa magheme a gëuntu, itungwee gutiumuramwua gwa ngeero ya gëuntu.

Gusoko uyanjo wamwa Kiristo ugwibalëtë see, gusoko sese gwendie uramwua mwino muntu umwedu wakure gusoko a antu voong'e. Gwa uvii sese soong'e gwakure.