Suosittuja jakeita Raamatun kirjasta 1 Akorinto 13

Jaa

Uyanjo ugughimëëya na wina gëhe Uyanjo utina wiru mba utigikumajua. Uyanjo utigikumajua, na uyanjo utigihengaa mantu akwe. Uyanjo utigoona uvavi, mba utiuvarya mahutye.

Uyanjo ugughimëëya mu gëntu; uguhuvëa mantu oong'e. Uyanjo ugugufa sese maghonje kunë Muungu, uguhimëëya ti gëntu ntuni nëënjë ugudwëëra sese.

Uyanjo utigiririsya gusoko a uvë, ëgweeso ugiririsya ngunto a tutë.

Uvii usighie uhuvëi, ighonje, uyanjo, ayaa atatu. Ëgweeso nërikuu nanguu gwa ayaa në uyanjo.

Uyanjo ugikhaa khae na khae. Mwino gwa sayu ufuma kunë Muungu, ëgweeso isii yina itungo ikufë. Mwino gwa mërighëtyo në mëghënyi, ëgweeso mëëso inje usima. Mwino gwa umanyi, ëgweeso weeso winjë ukëra.

Nësa nene ngurighëëtya gwa mërighetyo a anantu, nanë a va malaëka, ëgweeso në ntikwetë uyanjo, nene në mukindo wa ityeka mba mwëro wa nkënda.

Na nësa nene nëna udaho wa udwëëya mantu nëëjieudwëëra usonge, na umanya gëmpëhe goong'e na umanyi woong'e, na nësa nëkwetë uhuvëi, mwino wa uheya vitanto, ëgweeso ntikwetë uyanjo, nene ntigëntu mbanduvë.

Na nësa nene nguvaghania mantu oong'e në nene nëkwetë, na nesa nene nguvarekea antu vërighe mwëërë wane, ëgweeso në ntikwetë uyanjo, gutie intu në nene nguhanga.

Nene nënaa nëkëë në mung'ënya, nene naa ngurighëëtya mwino mung'ënya, nene naa ngughemaa mwino mung'ënya. Itungo nënaa nene natëndeka në muntu müküü nëgasima utënda mantu a gëng'inya.