Suosittuja jakeita Raamatun kirjasta रोमी 12

Jaa

अइ सनसारके लोकसब जखा देखासेखी नै कर महज आपन सोचबिचार परमेस्‍वरके परिबरतन करैले दहै। तब परमेस्‍वरके असल, मनपरैबला आ सिध इक्‍छा कथी चियै से तुसब जानबिही।

तैल्‍याके हे भाइ-भैयासब, परमेस्‍वरके दयाके धियानमे राइखके हम तोरासबके बिन्‍ती करैचियौ, तुसब आत्‍मिक आराधनाके रुपमे आपन-आपन देहके पबितर आ परमेस्‍वरके मनपरैबला जिबित बलिके रुपमे चरहा। ओकर आराधना करैबला सहि तरिका एह्‍या चियै।

आपन आसामे आनन्‍द कर, दुख-कस्‍टमे धिरज कर आ निरन्‍तर परथना करैतरह।

खराब बातसे हार नै मान महज खराब बातके भलाइसे जित।

एक-दोसरके आपने भाइ-भैया जखा परेम कर। अपनासे बेसी दोसरके आदर कर।

तोरासबके परेम देखाबटी नै महज सत हेबे। खराब काम छोइरके असल काममे लागल रह।

सकभर सबकोइसङे मिल-जुइलके रह।

हमर पिरिय भाइ-भैयासब, आपनेसे ककरो बदला नै ले महज परमेस्‍वरके करोधमे छोइरदहै। कथिलेत पबितर धरमसास्‍तरमे परमपरभु एहेन कहैछै, “बदला लैबला काम हमर चियै, हम्‍ही बदला लेबौ।”

करैबला काममे कोरहिया नै बन महज पबितर आत्‍मामे जोसगर हो आ परभुके सेबा करैतरह।

परमेस्‍वरके देल अनुगरहसे हम तोरासबके चेताबनी दैचियौ कि, तुसब आपनके बरका नै समझ महज परमेस्‍वरके देल बिस्‍बासके नाप अनुसार तुसब जहिनङ चिही तहिनङे सोच।

तुसब ककरो खराबके बदला खराब नै कर। जे चिज सबलोकके नजरमे आदरनिय छै, तैमे धियान दहै।

एक-दोसरसङे मिल-जुइलके रह, घमन्‍डी नै हो, महज साधारन लोकसबसङे सङहत कर। अपनाके बुधिमान नै ठान।

फेनसे दोसर ठाममे एहेन लिखल छै, “तोहर दुस्‍मन भुख्‍याल छौ त ओकरा खाइले दहै, उ पियासल छौ त तकरा पानी पियैले दहै। एहेन करलासे तोहर दुस्‍मन लाजसे ओकर मुह अन्‍हार हेतै।”

तोरासबके सताबैबलासबके सराप नै महज आसिरबाद दहै। आनन्‍द करैबलासबसङे आनन्‍द कर आ कानैबलासबसङे कान।

खिरिस्‍टके पबितर जनसबके खाचोमे मदत कर आ घरमे एल मेजमानसबके सेबा सत्‍कार कर।

कथिलेत जनङ अपनासबके देहमे बहुतो अङसब छै, महज सब अङके काम एकेटा नै हैछै, तहिनङे अपनासब बहुतो चियै तैयो खिरिस्‍टमे एकेटा देह चियै आ अपनासब एक-दोसरके सेबा दैबला अङसब चियै।