Suosittuja jakeita Raamatun kirjasta Mataayo 27

Jaa

Hanú gyahika ensa kenda, Yeesu akakuura kwa eriisi erinene ega, “Eroi! Eroi! Rama sabhakitani?” Ensonga yaaye niiga, “Waryubha waani! Waryubha waani! Ndora untigiri?”

Hayohayo, eshuuka enene inú yaaringa eturungajiibhwe munyumba enkuru ya mwisyengerero erikuru rya Waryubha, ekabhaaruka amabhaara gabhiri okurwa eguru okuhikira insi. Ekyaro kyonsego kikarigita, na amatare gakabhaaruka. Egimbihira gikasiikuka, na emibhiri emyaru gya abhantu abharabhu bha omutima, bhanú bhaaringa bhakwiri, gikahyuka.

Hayo, Yeesu akakuura kweki kwa eriisi erinene, kimwi gukahwa-mo.

Hanú omukuru wa abhasirikare hamwi na bhanú bhaaringa bharamwangararira Yeesu, bhaarora ekirigiti kya erirobha na agandi gonsego ganú geebhuka, bhakoobhoha bhukongʼu, bhakagamba ega, “Maheene, omuntu unu yaaringa Omwana wa Waryubha!”

Mbe, hanú gyahika ensa esansabha gya omubhasu, ekisunte kikakurya mukyaro kyonsego, okuhikira ensa kenda.

Pirato akabhabhuurya kweki ega, “Bhoono, mmukore egaki Yeesu unú arabhirikirwa ega, Kiristu Omutuurya?” Abhantu bhonsego bhakatema ekituri ega, “Mubhambe kumusarabha!” Pirato akabhabhuurya kweki ega, “Akoreri obhusarya-ki bhunú bhuraakore abhambwe kumusarabha?” Nawe, bheeki bhakagendererya okutema ekituri ega, “Mubhambe kumusarabha!”