Suosittuja jakeita Raamatun kirjasta Mataayo 21

Jaa

Nyoore muuna eimani, kyokyonse kinú murasabha ku Waryubha, murihaanwa.”

Yeesu akabhakyukya ega, “Ndabhakeerya obhuheene ega, nyoore muramwikirirya Waryubha na mutaana enkubhi, na bheenyu murikora rinú rikorekeri kumuti guyo. Kweki mutarikora riyo eryenego, nawe kora mukaakeerya enkuku inu ega, ‘Ihika na wiyese munyanja,’ ryonse rirakoreka.

Abhantu bhanú bhaaringa bhakangatiri na bhanú bhaamurwanga enyuma, bhaagambanga kwa eriisi erinene ega, “Hosana, Omuhiiri Daudi! Anonkerwe unú araaja kwa eriina rya Omukuru Waryubha! Hosana, Waryubha unú aringi murwire!”

Yeesu akabhakeerya ega, “Engʼoorerwe mu Mangʼoore Amarabhu ega, ‘Erisyengerero ryani erikuru riribha enyumba ya amasabho.’ Nawe, bheenyu muikoreri okubha erisana rya abheebhi.”

“Obhakeerye abhantu bha Sayuni ega, ‘Maaha, omukama weenyu araaja kubheenyu, m-munyoohu, araaja yeekeeri kuntikiri, na entikiri iyo kikyari ekimoori.’”

Nho, Yeesu akabhakeerya ega, “Bhoono, mutarasoma ganú gaangʼoorwa mu Mangʼoore Amarabhu? Gaangʼoorwa ega, ‘Erigina rinú abhahagaaji bhaangiri, ndyo ryabheeri erigina erikuru rya obhurusa. Omukuru Waryubha ngʼo akoreri eringʼana riyo, ryonse n-kiruguuro kubheetu.’”

Yeesu akoongerya okugamba ega, “Kwa okubha munyangiri, ndabhakeerya ega, Waryubha ariruusya-ho obhukama bhwaye kubheenyu, na okubhahaana abhantu bha ebhyaro ebhindi bhanú bhariibhura emisumo kurusumo rwaye.