Suosittuja jakeita Raamatun kirjasta G%E1latas 6

Jaa

Mb'a'krij qak'ux chu'ankil ni'pa i utz, man we kb'a'krij ti qak'ux chu'ankil i utz, kuriq ni ij uri ktzalijsax ni uwach chqe.

Rumali, chqa'ana i utz chke konojel are kojtiki che, xwiri mas o uchak keje kqa'an ile chke i je qalk'uwal rumal i Cristo.

Chito la iwib' chiwach we ix o pa k'ax; Keje ile, kixtijin uri chu'anik pacha i k'uttal chqe rumal i Cristo.

Mixt'ortajik, mich'ob' yix moqxa kit'or i Dios, xwiri mijun kt'orowik. Man wach taq i kitiko, xaq keje uwach kimolo.

We to' ki'an urayijb'al ich'akul, ile xa kuya ni kamik chiwe. Xwiri, we ki'an pacha urayijb'al Lo'laj Utewal i Dios, ile kuya ni ik'aslemal chiwe chi kk'is ti chik.

Ix, wachalal chwach i Cristo, we kiwil jun qachalal u'anom jun umak, i yix chi lik iya'om ik'ux chu'anik i utz chi kixkojon che i Lo'laj Utewal i Dios, chito uri chusuk'b'axik uk'aslemal. Xwiri mi'an nim che iwib' chu'ankil; chi'ana kwent iwib', moqxa yix xaq kixtzaq ni chupam i mak atzalal.

We o jun kuch'ob'o chi o u'ij, xwiri we nti u'ij, xa kut'or rib' uri utukel. Chqajujunal wi, chqana ub'e wach kojtijin chu'ankil; we qatzij utz kojtijin chu'anik chwach i Dios, chojkikot uri. Xwiri mqajunamsaj qib' ru' jun qachi'il, ilb'al re we mas oj utz chwach ire. Chqajujunal wi o chqaqul wach i kqa'ano.