Suosittuja jakeita Raamatun kirjasta G%E1latas 2

Jaa

Are xkam i Cristo chwach i krus, xe'el chwe yin pacha junam xinkam ru' ire; rumali, yin ti chik in k'aslik, are chik i Cristo k'as pink'ux. I k'aslemal chi o che inch'akul wo'or, are i Uk'ojol i Dios kyaw chwe, rumal ukub'ib'al ink'ux che ire. Ire, lik k'ax xinuna'o, xaq xuya rib' che i kamik wumal yin.

I Dios, rumal i rutzil uk'ux chqe, xutaq li Uk'ojol tob'al qe; rumali kinxutuj ti rutzil uk'ux i Dios chi usujum chqe. Jun winaq kel ti utz chwach i Dios we xa rumal ukojik i ujer atb'al tzij. Wetene keje ile, ke'eloq nti uchak i kamik uri xik'aw wi i Cristo.

Qatzij yoj ru' i ma Pedro oj aj Judío winaq che i qalaxik, oj ti keje pacha i je aj Judío taj chi nti Dios ku' xaq lik je ajmak laj taq winaq. Qeta'am chi yoj xaq o ni uchak kqakub'a qak'ux che i Jesucristo. Xwi keje ile koj-el utz chwach i Dios. We to' kqakoj i atb'al tzij tz'ib'tal kan rumal i mam Moisés, nti ku'an re chqe. Rumali, xaq yoj qakub'am qak'ux che i Jesucristo, man koj-el ni utz chwach i Dios. Are i ukub'ib'al qak'ux che i Cristo, are i k-anaw utz chqe; i ukojik i ujer atb'al tzij mijun winaq kel utz chwach i Dios rumal.